Pope Francis cu khuk thling ih natnak khawmzawh pawl hnen a sim. January 26, 2022

Pope Francis cu khuk thling ih natnak khawmzawh pawl hnen a sim.

January 26, 2022

            Tlawngkai nithum ah Pope Francis cu mipi pawl a ton caan ah nei aw pek te nupa pawl le a dam lomi khawmzawh thenkhat cibai buk dingah lilawn ihsin a tum nan tuitum ah cun Pope Francis mipi pawl hnen feh loin a hnen ah a hrek hrawng a kai ter ih hivekih a thleng nak thu khal Pope in a sim. “Vorhlam ka ke ah nat nak ka nei ih tuini nan zaten cibai buk dingah ka ti thei lo tiin ka lo sim duh. Ka khuk ah a thling mi pakhat a um. Asinan ka tum dingih cibai ka lo buk ding. Cuihnu ah nanmah pawl hung kai in “Hello” tiin cibai in buk dingah ka lo sawm” tiin Pope in a sim.

            Pope cu reipi feh dingah a har ih kai lilawn tivekih a tum le kai ah bawm a tul. Himi cu a har mi dinhmun asinan Pope Francis ih hnihsuah a sai nak a mal ter cuang lo. “Khuk naa cu a hlo dingmi a si. Himi cu pahsuak dingmi thil a si. Himi cu upa pawl hnen lawngih a cang theu mi asinan ziangruangah ka hnen ah a cang timi ka thei lo” tiin hnihsuah a sai bet.

https://bit.ly/3AGh44X