Pope Francis cu Malta a khualtlawnnak parah Bawinu hnen lungawi thu sim. (April 4, 2022)

pope_francis_malta_ih_a_khual_tlawnnak_parah_bawinu_hnen_lungawi_thu_sim

Pope Francis cu Malta a khualtlawnnak parah Bawinu hnen lungawi thu sim. (April 4, 2022)

              Pope Francis cu Malta ih khual a tlawn hlan khal ah St. Mary Basilica ah feh in Bawinu ih thla cam sak nak a dil vekin timtuah cia mi ni hnih sung khual a tlawng hnu a thlen sal caan khalah Pope in Bawinu hnen kan dung tlawngkai nikhat ah fehin lungawi thu a sim.

              Pope a tuah theu mi vekin Bawinu hrang pangpar tom khat cu "Maria Salus Populi Romani" (Maria, Rome mipi pawl kilkhawi tu Bawinu) tiin hmin pek mi zuk hmaiah a ret theu. Hitivekih a tuah nak cu a khualtlawnn nak hrang a thlacam sak nak ruangah lungawi rulhkir sal nak a si. Cui hnuah a umnak Santa Marta innpi ah mawtaw thawn a tlung.

              Pope ih upatnak a pek mi hi Bawinu zuk cu Rome khuapi ah AD 590 hrawngah Pawlpi cu St. Gregory ih a uk lai asiih hi zuk tuahnak kum pawl a tu hnak in a rei. Zuk cu Pope Gregory XVI in 1838 ah sui lukhum a pek. 1954 kum ahcun "Bawinu kum" tiin nemhnget in Pope Pius VIII in upat nak a lang ter bet. Himi zuk cu 2018 ah Vatican museum tuanvo nei tu pawl in an rem sal. Pope a dot dot in a tu vekin an upat ruangah St. Mary Basilica cu "Pope pawl ih Basilica" tiin kawh a si.

              Pope cu kan dung April 2 ihsin 3 zarhte, zarhpi ni hnih sung tipi thuanthum ram asimi Malta ah a feh. A hman ahcun a tu hnakin tuan ah feh dingin program an tuah nan covid 19 pulhnat sia ruangah tumhnih rori an thawn. Pope ih tuitum a khualtlawnnak cu avai ih harsat tuar pawl le ral daih nak hrang ahleice in a feh. Khualtlawn nak ih thu luu cu Dungthluntu 28:2 ih "they showed us unusual kindness" "tikulh ih ummi pawl kan par ah a danglam mi zangfah nak in in tuamhlawm" tiin a si. Pope cu tuletu tivekin ram pakhat dinhmun in a vai ih harsat tuar pawl hmuak ding, kut kai ding, nel ding in um ding tiin a forhfial theu. Pope cu cui hmun ih ram pawlkom thawn tonawk nak a hmaisabik program ah harsat nak karlak in tlan in a vai tu pawl thawn tuar tlang dingah a forh ih, Pope in a forhfial mi cu a feh nak John XXIII ih remdaih nak zung ih harsat tuar pawl nel aw zetin tonawk nak cu tetti a si.

              Pope cu ralbuainak thawn pehpar in nasa zetin dokalh in a sim. Ralbuainak cu "a thianghlim mi thil pawl tuah siat nak" tin khal thuthang la tu pawl hnen ah a sim. Ralbuainak cu ral thuam pawl lei a si ruangah ram paisa hman a si thu, minung pawl ih nunnak khal ziang ih rel lo nak cu kum khal a hril lo. Pope Malta ihsin a tlun lam thuthang la tu pawl hnen ih a sim mi cu "ka thin a naa tuk, kan zir thiam lo, Bawipa in zangfah hram aw, kan zaten sualnak in kan thiang lo" tiin a si. Himi thuthang cu Vatican thuthang ihsin kan don mi a si.  

https://bit.ly/3j4jwu2

Add new comment

1 + 7 =