Pope Francis cu "May thla Rosary cam tlang nak cu Rosary camnak in caan hmang. May 30, 2021

Pope Francis cu "May thla Rosary cam nak" cu Rosary camnak thawn in a cem ter

May 31, 2021

            Nu Catholic Pawlpi a rak hoha tu Pope tinkim Bawinu upatnak cu tha pe in tuah a rak si. Cumi lakah Rosary cam in upat pek nak cu an zaten tuah mi daan kel pakhat a si. Pope Francis khal Bawi Nu a upat zet tu Pope a si. Amah cu ram lengah Pathian riantuan in khual a tlawng hlan, asilole a feh hnu Vatican ih a thlen tikah Rome khuapi sungih Basilica biakinn 4 sungih "Santa Maria Marjo" Bawinu ih Basilica biakinn ah feh in Bawinu ih zuk hmaiah khualtlawng nak ah harsat buai nak um lo dingah, hlawhtling dingah thlacam nak, asilole an khualtlawn nak a tluang ruangah lungawi thu sim dingah a feh theu.

            Tuikum May thla netabik ni khal Pope Francis cu tubaite ih a hmaisabik Bawi Jesuh thi le sa a sang tu nauhak pawl, tubaite ah kutsih nak Saramentu a la tu innsang pawl, Vatican kil tu pawl ih fa le pawl le innsang pawl, Pathian riantuantu pawl thawn May thla sung hmuahhmuah a bang aw lomi tumtah nak pawl, a bang lo mi leipar ih Bawinu lungdawl pawl ihsin thlacam nak thla khat sung ih program cu Vatican hmuan ih Pope ih Bawinu lungdawl ah komkhawm in Rosary cam in a cem ter.

Thlacam thla

            April thlacem ah Pope cu leipar ih Catholic mipi pawl hnen Nu Pawlpi ih daan asimi May thla sungah Rosary cam dingah Rosary cam tikih neih dingmi ahleice mi tumtah nak cu leilung pumpi a na ter tu covid 19 pulhnat a zamrang thei bik in cem dingah, nitin tuah tuanmi pawl, nunphung hnatuan mi pawl a hlan vek in tuahsak thei dingah thlacam uh tiin a rak forhfial vekin Pope amah rori khal May thla 1 ihsin thokin amah rori Rosary keng in a hoha. May 31 nikhal Pope cu amah rori hoha in Vatican sungih Our Lady Untier of Knofs (harsat nak pawl in poih sak tu Bawinu) Bawinu lungdawl hmaiah mipi thawn Rosary an cam Bawi nu khal Pope in ahleice in upat nak a pek.

Harsat nak pawl cat bangloin in poih sak tu Bawinu

            Himi Bawinu lungdawl hrangah Bawinu ih zuk thar cu Germany ram, Augsbury ihsin keng in zuk cu thluasuah pek a si. A hlan ih zuk khal Germany ram thil tuah thiam saya ih tuahmi a si. Cumi caanserh cu Augsbury Diocese ih Bishop Bertram Joannes Meier in keng in vah pi nak a hoha. Pope Francis in Rosary cam nak a thok ih, Rosary hmun 10 siar cu nemhnget cia mi a tle mi pawlkom pawl in an cam. Rosary hmun 10 ciar ih a thok ah tumtah mi ret in an cam. (1) Pehtlaih awk nak ah buaibainak pawl um lo dingah, (2) hnatuan nei lo pawl hrang, (3) tuahmawh a tuar tu pawl, (4) mi damlo pawl le nun harsa pawl hrangah, (5) Pathian rian a tuan tu pawl hrangah tin tumtah nak a phunphun ret in thlacam in hlan a si.

Leilung pumpi hrang thlacam nak

            Leilung pumpi hrangah hlan in tuahmi May 31, tlawngkai ni khat ni thlacam nak program cu Vatican ih Bawinu lungdawl in online ih thlah nak in hmunkhat ten tuah a si. France, Germany, Rwanda, Chile, Spain, Scotland, Paraguay, Italy le ram tikcu caan a dang awk tuk lo mi hmun ram pawl ih Bawinu lungdawl ah a thleng tu Kohhran mipi zaten khal hmunkhat ten Rosary cam nak ah tel a si. Cui thlacamnak program ih a cem nak ah Pope Francis in a thar ret mi upat pek ding Bawinu zuk cu Siangpahrang lukhuh khum terin, Bawinu vek in kannih khal mahlemah Pathian rian dingah a forhfial. Cuihnu ah Pope in thluasuah a pe ih, May thla sung tuah mi "Marathon Rosary thlacam nak" program ah Pathian ih nu hnen ziang vek hmun le ram um asi khalle aw khat ten thlacam nak ih a tel tu pawl zaten lungawi thu asim thu, pehbet in Pathian cu leilungpi ih pulhnt nak siseh, kanmah pakhat ciar khal siseh, kilhim in thlacam bet uh tiin thlazang pe in forhfial nak thawn a cem ter. Himi thuthang cu Vatican thuthang ihsin kan don mi a si.

https://bit.ly/3g7dC9D