Pope Francis cu Nu pawl a sunloih ih Ukraine ram remdiah nak hrang Rosary cam dingah a forhfial. (May 8, 2022)

Pope Francis cu Nu pawl a sunloih ih Ukraine ram remdiah nak hrang Rosary cam dingah a forhfial.
(May 8, 2022)

            Pope cu May 8 sunlai ih cam mi Vancung Siangpahrang Bawinu thlacam nak cam hlan ah May thla sung Rosary cam dingah le Nu pawl sunloih dingah Kohhran mipi pawl hnen a forhfial. May 8 ni cu kumtin “Nu pawl ni” tiin nemhnget in tuah a si. Kan Nu pawl duhdawt nak tumpi thawn vonmang uh. Kut zabeng in sunloih uh, thenkhat nu pawl cu an dam nawn lo nan kan thinlung sungah an nung ringring nu tinkim kan thlacam nak, kan duhdawt nak, a tha bik mi kan thlacam nak pawl co hram seh tiin thla a cam.

Rosary thawn Pathian ih nu hnen her cio uh si.

            May thla cu Nu Catholic Pawlpi ih tuahdaan kel vekin Bawinu hleice ih upat nak thla a si. Remdaihnak hrang nitin Rosary cam dingah, ahleice in Ukraine ram ih nat nak a tuar tu mipi pawl hrang ruat in ap sak dingah khawmzawh mipi pawl hnen a forhfia. Pope cu Pompeii khuapi ih Rosary Siangpahrang Bawinu hmai ah amah rori a feh thei lo nan thinlung takin khuk bil in leipar ih ram tampi ih tul mi remdaihnak harsat nak a phunphun, ahleice in ralbuai nak a tuar tu pawl hrangah ahleice in thla a cam sak tiin thla a cam.

            Ralbuainak ruangah Russia vanzam in Ukraine ram ni suahnak lam a do. Pope in leitlun ram hotu upa pawl hnen mawh nei lo mi pawl ih remdaihnak an duh nak an thinlung hngilh lo dingah, le hriamhrei thawn ziang tik hman ah hlawh a tling lo ding thu thaten a thei tu pawl hnen a forh fial. Russia Ukraine ralbuainak cu Pope khal a thin a phang ter zet.

            Pope cu cawl loin ralbuainak cawl dingin a dil ringring. May 3, Italy tong thawn suahmi ca asimi Corriere della Sera ih thusuh nak ah Pope cu Russia President Putin thawn Moscow khuapi ah hmaiton rori in hmuh a duh thu a sim. Himi thuthang cu Aleteia thuthang ihsin kan don mi a si.

      https://bit.ly/37vq5Un