Pope Francis cu Philippine ram ah Catholic Pawlpi a thlen nak kum 500 hngilhlo nak hminsin nak Missaraithawi nak tuah March 14, 2021

Pope Francis cu Philippine ram ah Catholic Pawlpi a thlen nak kum 500 hngilhlo nak hminsin nak Missaraithawi nak tuah

March 14, 2021

            Tuini Pope Francis cu Asia ih nisuahnak thlang lamih a ummi Philippine ram ah Catholic Pawlpi a thlen nak kum 500 kim hminsin nak tiin Missa raithawi nak tuah in Philippine miphun pawl in Bawi Khrist hnen an hlan mi nunram kha nung ter sal dingah a forh fial. St.Peter Basilica biakinn ah Missa raithawi nak tuah in a hlan ih Manila ih Archbishop asimi Cardinal Luis Antonio Tagle thawn Philippine aiawh tu mi tampi an tel. Pathian riantuan tu tirhthlah pawl, Pope in a thuthangtha ah Philippine miphun pawl cu a liam zo mi kum 1000 ih a hrek hrawngah Gospel thuthangtha lungawi ten an ngah thu le anmah cu ram mipi pawl hnen lang sar zet in an um thu a sim.

            Nan mit sung ah, nan hmai pawl parah, hla pawl sungah, zuam nak ih hnget nak" thawn zum nak kha thei in Gospel hnatuannak ah zuam zet in tuah dingah siseh, zo hman hloral lo dingah Gospel thuthangtha ih thu a si mi Pathian thawn naiten um nak cu midang pawl hnen cawl loin than dingah siseh Philippine Catholic kawhhran pi in kum 500 kim puaipi tuah nakin Philippine Catholic kawhhran mipi pawl cu tirhthlah pawlih rian tuan daan vekin raltha zet in feh dingah Pope in a forhfial. Duhdawt nak nei dingah, rian tuan dingah le Gospel thuthangtha phuang dingah ziang tik hmanah tih hlah uh.

            Nan lungawi nak thawn Pawlpi in leilungpi a duh tuk thu minung pawl hnen nan sim thei ding. Bawi Jesuh cu kan lungawi nak ih a hrampi a si. Tuini Bible zoh tikah Gospel ih a thu pi bik mi thu a tel thu a sim. Pathian in leilung hi a duhdawt zet ruangah a fapa neihsun a pekih a mah a zum tu hmuahhmuah cu thi loin kumkhua nunnak an co ding (Joh 3:16) Gospel thuthangtha cu ruah nak asilole daan a silo. Himi cu Bawi Jesuh a mah rori a si thu khal a sim bet. Kan lungawi nakih a hrampi cu lungawi nak ziang tin hawl ding timi Theory a silo. Nunram sungah duhdawt nak co in, rualpi kom ngah timi a hman mi hmuh ton mi a si. Pope in tuini Bible sungih "Pathian in in duhdawt tuk" timi le "a fapa in pe" timi thuhla pahnih a hlawm.

Pathian in in duhdawt

            Pope Francis in "Pathian in in duhdawt tuk ruangah lamzin kan hloh caan hman ah hawl sal  dingah a rungtum ih in nung ter sal tiin a sim. Pathian in duhdawt nak thawn in zoh ringring ih duhdawt nak hrangah a fapa ih thi thawn kan sungah a lut. Pathian in Bawi Jesuh ah kan nunram thawn pehpar in a hman mi thu in sim. Na hlo lo ding. Duhdawt mi na si. Kumkhua in duhdawt mi na si. Fapa in pe. Pope cu Pathian ih duhdawt nak thu a sim. Pathian in kanmah pawl rundam nak hrangaha fapa in pe. Duhdawt nak cu famkim zet in pe dingah a zuam ringring" tiin Pope in a sim. Himi cu duhdawt nak ih thazang a si. Kanmah pawl ih mai hrang lawng ruah nak kha a siat ter. Ralring zet ih tuah mi humhimnak zone sung ihsin a suak. Phar pawl siat bal in tih nak thinlung a hlo ter thei.

Mah le mah pek awknak ih lungawi nak

            Pakhat le pakhat duhdawt in anmai nunnak cu duhdawt nak thawn a zem thu pawl cu kan hmuh vek in "kanmah pawl cu kan duh deuhdeuh a sile, tuah thei deuh deuh a si" tiin a sim. Veikhat veihnih kanmah pawl cu mang pawl asilole zuk thilri neih nak pawl ih a hman lomi humhim nak hrangah lungawi nak hawl a si tiin khal a sim. Pathian cu a fapa in pek vekin mah le mah famkim zet in pek awknak lawngah a hman mi lungawi nak hmuh a theih. Pope Francis in "kan longpi siat in harsat tuar caan ah hmunkhat ten a tuar tu, kanmah pawl bawm in a him mi lawng colh nak ah in hruai tu ding mi pa khat khat a um timi kan theih caan ah kanmah pawl cu mahlawng a ummi kan si lo. Duhdawt mi kan si timi mang in a hman mi lungawi nak ah kan um timi nunram in in zirh" tiin a thusim nak a cem ter. Himi thuthang cu Vatican thuthang ihsin kan don mi a si.

Photo courtesy of Vatican news

https://bit.ly/3qH6aWc