Pope Francis cu Philippine ram ih Catholic Pawlpi a thlen nak kum 500 kim nak puai ah Missa raithawi nak a tuah ding March 3, 2021

Pope Francis cu Philippine ram ih Catholic Pawlpi a thlen nak kum 500 kim nak puai ah Missa raithawi nak a tuah ding

March 3, 2021

            Pope Francis cu Philippine ram ih Catholic Pawlpi a thlen nak kum 500 kim puai cu March 14 niah St.Peter's Basilica biakinn ah Missa raithawi nak a tuah ding a si. Cui Missa raithawi nak ah Khristian pawl hoha tu, Manila ram ih Archbishop a rak si zo tu Philippine ram mi a siih Rome ih a um tu Cardinal Luis Antonio Tagle khal a tel ding.

            Covid-19 nat nak ruangah kawhhran mipi malte lawng feh theih a si . Asinan Missa raithawi nak cu leilung hmuntin ih zoh thei dingin live an thlah ding a si. Fr.Ricky Gente, C.S, Rome ih a um mi Filipino Chaplainey in Philippine Bishop's conference thuthang ah Catholic zum nak in pek ruangah Pathian hnen thlacam dingah, thangthat dingah le lungawi thu sim dingah Rome khuapi ah ra dingin in sawm tiah a sim.

            Pope in hoha in a tuah ding mi Missa raithawi nak cu Philippine ram ih kum 500 kum ni sunloih dingah a si vekin a hmaisabiak Missa raithawi nak khal asiih ahmaisabik a thoh nak cu 1521 kumah a si. Kum 300 hnu hrangah, Philippine ram mi pawlin Diocese cu Siangbawi um loin an um. Kum 1905 ah Jorge Impesial Barlin cu Philippine mi a hmaisabik Bishop tiin khai sannak a ngah. Kum 1909 kum ah ad Limina ah tuu khal khual tlawn nak a neih laiah a nun a rak cem ih a ruak cu Rome ah phum a si.

            A tui caan ah Philippine ram ih zatek 86%, tan 108 cu Catholic kawhhran mipi an si. Diocese a tamsawn ah kum 9 sung timtuah rero hnu Pasca (Ester Sunday) ni April 4 ah kum kim ni tiin caanserh an ong ding. Pope aiawh tu Bishop Pabillo in kumkim ni cu February 6 niah Manila Cathedral ah Missa raithawi nak thawn on nak a rak nei.

            Catholic tan 3 hrawng um nak Manila Diocese ah December 2019 lai ihsin Bishop Tagle cu Vatican zungah asi nak an khaisang hnu ihsin thokin Cardinal kilkhawi tu nei loin an um. Philippine ram ih dungthluntu nuncio in reilote ah Bishop thar (Cardinal) a ngah ding tiin kan dung thla ah a than. February 24 hrawngah CNN Philippine interview ah Archbishop Charles Brown in Manila Diocese ih Bishop cu tubaiteah an than. Brown in "Bishop thar ngah dingah a rei ding ka zum lo" tiin a sim sal. Himi thuthang cu CNA thuthang ihsin kan don mi a si.

Photo Credit: Kerri Lenartowick/CNA

https://bit.ly/3uML5ga