Pope Francis cu Pope a tuannak kum 5 kim nak tuah May 23, 2021

Pope Francis cu Pope a tuannak kum 5 kim nak tuah

May 23, 2021

            Tuikum cu Pope Francis Pope tiin hril asi nak kum 5 a kim zo. Cumi a danglam mi kum ah Pope cu thla tin mipi pawl le Nu Pawlpi hrangih thla a cam nakah tumtah nak nei in leilung pumpi ih kohhran mipi pawl thawn thla an cam theu ih tuikum ihsin thokin Philippines le Maya Qeqchi tong phunhnih khla bet in thla a cam ding. Curuangah a tu ah cun Pope thla a cam nak ih a ret mi tumtah nak cu tong 23 thawn thlah ding a si.

          Himi program cu Pope in leilungih thlah mi thlacamnak online ihsin 2016 ihsin tong 9 thawn rak thlah a si. Cumi tong pawl cu Spain, English, Portuguese, Italy, French, German, Dutch, Arabic le Tuluk tong pawl thawn a si. An thlah nak a rei vivo vekin program cu an than vivo ih netalam ah Vietnam, Tuluk tong a dang phun khat, Polan, Swahili, Kinyarwonda, Catalan, Lithuanian, Slovenian, Hindu, Russia, Korea le Japan tong pawl bet in an thlah. Tuikum ahcun a tlun ih sim zo mi tong phunhnih an betbet a si.

          Himi program cu online ihsin minung tan 155 luan in an zoh theu. Tui thlah mi video thu ah Pope in ram khel a buai rero tu, a harzet mi ram pawl hrang khal ah, mi that awk nak hriamhrei a um lomi ram si thei dingah siseh, minung khat le khat zangfah bomawknak a pe tu ding sumpai tampi ngah deuhdeuh dingah thla cam dingah forhfial. Online thawn thlah mi cu ram tin ca 17500 thawn pehpar aw in langter a si.

          Pope ih thusim mi pawl cu na tong in thei dingah a tul. Pope ih sim mi cu tong a phunphun, a bang aw lomi nunphung pawl ah a thleng. Thlacamnak cu Nu Pawlpi ih a thupibikih rongbawl nak a si thu, thlacamnak cu duhdawt nak ah Pa Pathian thawn pehtlaih nak a si thu, himi pehtlaih nak cu a thuk tuk ih, tong phun khat thawn lawng in sim thei sehla cu a tha bik thu, ziang thi thawn tahthim ding asile Bawi Jesuh in a pa hnen "Abba, Ka Pa" tiin a ko vekin a si thu, Pope ih ram itnkim thawn pehpar ih thlacamnak online ih tuanvo nei tu Fr.Frederic Fornos S.J in a rak sim. Himi program tuah suak dingah leitlun killi ihsin ngah mi a hlu thawn tuan rero a si. Himi thuthang cu Vatican thuthang ihsin kan don mi a si.

https://bit.ly/3wy21Y0