Pope Francis cu Slovakai ram mipi pawl hnen ulenau thinlung, khualthatnak , hmunkhat ten tuar tlangnak thinlung pawl nei dingah forhfial in tha a pek September 13, 2021

Pope Francis cu Slovakai ram mipi pawl hnen ulenau thinlung, khualthatnak , hmunkhat ten tuar tlangnak thinlung pawl nei dingah forhfial in tha a pek

September 13, 2021

            Pope cu Slovakia ram ah zarhpi ni zanlam ah a thleng. Tlawngkai ni khat ah Slovakia mipi pawl hnen remdaih nak lam ah feh thei dingin ulenau thinlung, thinlung tlaitluang nak le hmunkhat ten um tlangin mai neih mi pawl khal midang pawl hlawm ve dingah, hitivekih tuah nak in hmunkhat ten tuar tlangnak bet dingah a forhfial.

            Pope ih tuitum a tuah mi ram leng khualtlawn nak cu avei 34 nak a si. Slovakia ram ih President zungah ram palai pawl kom pawl, siivai lam pawlkom pawl, biaknak lam hotu pawl thawn an tong aw. Pope cu zarhpi ni zanlam ah Hungary ram ih tuah theh mi avei 52 nak ram tin Bawi Jesuh Thi le Sa congress khar puai Missa a tuah hnu, cutawk ihsin Slovakia ram ah a feh cih. Slovakia ram ihsin September 15 zanlam ihsin Rome khuapi ah vanzam thawn a feh ding. Pope cu tui kumah kum 84 a kim thlang. Cuihleiah tubaite ah rilpi khuai nak khal a tuah.

Ulenau duhdawt nak thinlung

            A liam zo mi kum 28 ah Cze le Slovakia cu "Czechoslovakia" tiin ram khat tiin an um nak in a tu ah cun a dang ten a um mi ram tiin an suak. Anmah pawl cu thihnai suaknak um loin remdai ten an then aw. Cumi thu von ruat in Slovakia ram cu Europe continent ah remdiah nak thuthang a pe tu ram tiin a um thu, Slovakia thantar (aalan) ih a tel mi "pawl" zawng cu Slovakia ram sungih "ulenau thinlung" langsar ter tu asi thu, himi ulenau thinlung cu remdiah nak tuah nak lamzin ah a tel ding a si. Europe dinhmun in an thuanthu ah ulenau duhdawt nak thinlung tha kha rikhiah nak lan in a hrampi tiin ret thei dingin ruahsan a si thu, an khua le ram ih Mithianghlim pahnih asi mi St. Ciril le Methodious tei cu Slovakia ram pawl ih dungthluntu pawl an si thu, Europe khal a kilkhawi tu Mithianghlim an si thu, unau sinak lang ter nak a si thu, ziangruangahtile an pahnih cu an ram mipi  pawl an aiawh thu, an mah pawl cu Slavs, Greeks, Latin cutivek miphun pawl an si. Slavs miphun cu lung rual nak langter dingah hril a si. Cui ro cu an kilkhawi ding.

Hmuk (sang) kha phel in hlawm aw uh

            Ulenau taktak thinlung ah thinlung tlaitluang nak khal a tel. Slovakia miphun pawl ih nunphung ah mikhual pawl hmuk do nak, ci pek nak cu hmuak timi langter nak a si. Bawi Jesuh cu sangreu pungsan sungah amah um dingih a hril nak cu san nei lo mi asilo. Bible cathianghlim ah sang khawl dingah a si lo. Hlawm dingah in zirh. Gospel sang cu phel in hlawm ringring dingah a si. Thil tha taktak cu khawl in thangter nak in a um lo. Kiangkap ih tul tu pawl hlawm nak ah a um.

            Zohman hrem nak tuar dingah tuah lo ding a si vekin tangdor in natnak a cang ter lo. Christian pawl ih tidan cu midang pawl thilrit asilole harsat nak tiin a hmu lo. Unau vek ah ruat aw in an bawm aw. An humhim aw. Hiti tuah nak cu thudik le upadi huap nak sang hlawmawknak ti duhsan a si. Hiti bawm nak thawn tulsam mi mal nak ruangah ziaza sia hrial nak khal a hlo ter zo a si. Nitin tulsam mi ei in hrangah thlacamnak cu tuanman a siih hnatuan um lo ziaza tha umlo tiah an ti theu. A lak ih ei mi vek a si. Thudik le unau thinlung a ummi ei in ngah nak cu mitin ih caantha a si. Hivek in zohman hngilhnak, mai innsungsang, suhnak ram pawl tantan in, mai duh nak hmun ah an thawn lo ding.

Hmunkhat ten hlawm awk ih tuar tlangnak cite

            Cite a sinak cu ei in pawl a thaw ter. Cu vek in hmunkhat ten bangraan ten tuar tlang khal a tul. Nunphung pawlkom cu an rim thawtnak thatnak hrangah an mai nunnak ah lungawi hna thiam in tirhsiang ten hawl sal a tul.

            An ruahnak le tuahnak pawl thawn a hleice in mino pawl tha a pek. Hi vek ih tuah ding hnak in dekcawknak ruangah thinglung beidong in ruahnak pawl a cawl. Khui mi tuah ding ti an theifiang lo. Midang pawl bawm nak daan hlohnak cu a rim le a thawtnak a hlo mi rawl vek a si ih midang pawl bawm duhnak a theithiam tu cun kan nunram a thaw ter sal.

            Cu vekin pek mi thil cu kan mah le kan mah laksawng pek awk mi vek a si ti kan theithiam ding.

Tuahdaan kel pawl kilhimnak

Cite ih alnak in rawl pawl uih lo dingin a kilhim sak vekin Slovakia miphun pawl khal a rim le a thawtnak in a khat mi mai hlanlai daan cu a leng lam lawngin sui ti khut mi ti daan pawl khal thilri lawnglawng a um mi ruahnak pawl, umtu khua sak nak nunram pawl ih huapnak tuar a tul lo. An tuah thei mi in Slovakia ram cu kumhra tluk rak uk mi uknak a reh ter ih zalennak a ngah ter vekin tu ah khal mi malte thatnak hrang lawng a tuan rero mi ti daan an tuah sal tum rero kha ralring uh.  Asinan, hi vek dinhmun ah Pathian ih uknak thawn hnatuan pawl daiten, tangdor ten karhzai ter a tul. Thatnak pawl cu Khristian ti daan a hruaikai tu nunphung pawlkom ih kumkhua nunnak lampi a hmuhtu zuk vek a si.

            St. Cyril le St. Methodius pawl ih an rak zawh mi zin cu thatnak pawl kilkhawinak ti tikah a hlan vekin kilkhawi vivo ding ti nak a si lo. A hlan ih hman mi ti daan hlun hloter lo in langhngan in zawh thei dingah a si. Slovakia ram ih langhngan mi mipa, nunau tampi cu thawngthlak an rak tuar. Asinan, an thinlung sungah zalen zet in an um. A tleu mawi zet mi an ralthatnak, a hngetkhoh zet in a tuar tu thinlung, a hleice in cite thawn a bawngaw mi ngaithiamnak cu Slovakia ram a thawt ter.

            Tu ah cun leitlun ih hmuhton rero mi pulhnat sia covid-19 thawn pehpar in mai thatnak hrang lawng ruah ding hnak in kan zaten a tluk sawn thei. Curuangah midang pawl ih bawmnak a tul. Zohman hmunkhat in siseh, ramkhat lawng in a ding thei lo tiin Pope in a rak sim.

Himi thuthang cu Vatican thuthang ihsin kan don mi a si.

Credit to Vatican News

https://bit.ly/3k8W8Nk