Pope Francis cu Theologian mifim a si vekin Tuukhaaltu khal a si tiah sim October 15, 2021

Pope Francis cu Theologian mifim a si vekin Tuukhaaltu khal a si tiah sim

October 15, 2021

         Kum reipi Pope Francis a thei tu pawl, a thu theih a duh tu pawl in Pope cu thuruat thiam mifim maw Tuukhaal saw a si tiah an ruat theu. Tu bai teih a suak mi ‘Francis: Pastor and Theologiani’ (Francis – thuruat thiam mifim le Tuukhaal) ti mi ca uk ah Pope cu hmin pahnih nei tu a si thu fiang zetin a sim fiang. Hi ca-uk cu Pope Francis ih hoha daan, a feh daan pawl Barcelona the Ateneu Universitari Sant Pacia University ih mi thiam zet pawl in an hmuh daan an sim.

         Pope Francis in Bible Cathianghlimih hmuhton mi pawl a zir ih cui hmuhton mi sungin a hlawm sal theu. Cu vekin Cathianghlim ihsin a ngah mi Biaknak lam ruahnak, hmuhton mi pawl hngetkhoh zetin sirhsan in a sim theu.Tuukhaal dinhmun in Tuukhaal tuanvo tha ten tuan thei dingah a thukzet mi Biaknak lam ruahnak neitu khal a si. Cui ruahnak pawl cun lam I hruai tiah Cardinal Juan Jose Omelia in a rak sim. Ruahnak a pek mi University tlawng uktu Armand Puig khal in Tuukhaal cu nunnak pek dingah nuar nei lo tu a si. Tampi pe dingah ruat ringring tu a si. Pope Francis ih sim mi Pathian thuthangtha pawl cu mi tinkim in an thei thei.

         Thil hrekkhat ah cun fiang lo mi (a si lo le) tlaitluan lo nak tla a um men ding. Hi tiih simnak cu a thuhla nepnawi theih hnakin pek duh mi tongkam a thupi sawn ruangah a tul mi lawng a sim nak a si. Milai ih ruangpum sim tikah hmuihmel a thupi ih sim mi vek a si. Hmuihmel telh ih sim a si le a dang taksa then pawl sim vekah a cang tiah a sim. Ca uk sungah Pope thawn pehpar mi a thupi mi thuluu pawl lawng thupit in tarlang a si.

         Tahthimnak ah : tuah tlangnak, farahnak, ruahnak le zumnak a bang aw lo mi Biaknak khat le khat thurel tlangnak thuluu pawl an si. Hi ca uk siarnak thawn in tui tikcu caan ah Pawlpi le leilungpi kilkhawi thei ding mi ruahnak, tleunak pawl ngah thei mi caantha pakhat a si ding.

         Hi thuthang cu Rome Reports thuthang ih kan ngah mi a si.

https://bit.ly/3BUDUFS