Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Pope Francis cu tlawngkai ni hnih ni zinglam Casa Santa Marta Biakinnih Missaraithawinak May 7, 2020
Pope Francis cu tlawngkai ni hnih ni zinglam Casa Santa Marta Biakinnih Missaraithawinak
May 7, 2020
Pope Francis cu tlawngkai ni hnih ni zinglam Casa Santa Marta Biakinnih a tuah mi Missa raithawinakah Nurse pawl hrangah Missa sumnak a tuah ih thla a cam sak. Cu mi ih a thusimnak ah Leitlunih daihnak le Khrihih daihnak ti mi thu thawn thu a simnakah Pope in Jn 14:27 sungih a sim mi "nan hnenah daihnak ka lo taan ta, ka daih nak ka lo pe a si" tiah jesuh Khrihih tongkam kha ruat in a sim a si. Pope in raaldo nak si lo in a ra mi daihnak cu leitlun huap daih nak tiah kan ti thei lo. A ngaingai ahcun thinlungih remdaihnak, thinlung thlarauih daihnak le kan thinlung muril ih remdaihnak kha a ti duh mi a si. Bible Cathianghlim in Khrihih remdaihnak ti mi cu leitlun thilri ih remdaih nak a si lo.
Khuavel ih pek lo mi kha a ti duh mi a si. Hi leitlunih remdaihnak cu thilri in a lenglam lawng hnangamnak in pek ti mi thu Pope Francis in a sim a si. Cui remdaih nak cu mai neih mi, midang hnenih kan ret mi thil pawl cu kanmmai hrang lawng a si tiah a sim. Kan ralrin lo le cui remdaihnak cu maihrang lawngah a cang thei theu. Cu mi cu maihrang lawng a ruat ter tu a si tiah Pope in a sim a si. Cui remdaih nak vek a hawl tu pawl cu an mah in cui remdaihnak ih pek mi thilah an thleng theu a si. That hnemnak um lo mi a lang te a si mi remdaihnak a si tiah a sim fiang a si.
Vancungram a hngakhlap mi daihnak ti mi thu,
Khrihih pek mi remdaihnak cu a lamdang hlei ce. Cui remdaih nak cu mi a thang phokter a si. Nangmah lawng kha a dang ten a lo ret lo. Khrih ih pek mi daihnak cu nangmah kha pawlkomnak le mi thawn pehpar aw dingin a za a san ter a si. Pope Francis cu Bible Cathianghlim ih fangkhawlnak inn pi sungah, fang thawn a khat ter theh tikah, mah le mah porh aw in a dang fangkhawlnak inn sak dingah a ruat rero tu milian pawl thu kha tahthim nak ah a pek a si. Cui mi pawl cu Pathian in "Mi-aa pa! Tuih zan rori-ah na nunnak hi a cem ding; cule na hrangih na khawlcia mi na thil hmuahhmuah hi zo in so a co ding?’ tiah a sut. ( Lk 12:20) Leitlunih remdaihnak cu vancungram hrangah sangka a on sak lo.
A sinan mi pakhat thawn lawng a peh par aw tiah Pope Francisin a sim asi. Khirh ih pek mi remdaihnak cu Pathian hnenah ruahsannak a nei. Tuisun hrang lawngih remdaih nak a si lo. Asinan hmailam hrangah a si. Vancung ram ih thathnemnak pawl le vancungramih kan nun theinak dingih a thawhnak a si. Leitlun ih daihnak cu a lang te men a si ruangah man a nei zet. A sinan Khrih ih pek mi daihnak a hnget khohih that hnemnak a tam terih mah ih sin midang hnen tiang daihnak a thleng ter thei tiah a sim. Pope Francis cu a thu sim a cemnakah Pathain cu kan hnenah Paradizu ih a hnget khoh mi dainak kha a hawl mi pawlkom a din tu, hngakhlapnak a pe mi daihnak kha in pe hram seh tiah thlacam phah in a thu sim cu a bang asi.
https://www.vaticannews.va/en/pope-francis/mass-casa-santa-marta/2020-05...
Add new comment