Pope Francis a dam sal zo tiah sim July 5, 2021

Pope Francis a dam sal zo tiah sim

July 5, 2021

          Pope Francis cu Rome khuapi ih um Gemeli siizung ah pumpi lam thawn pehpar in operation a tuah theh hnu ah a harhdam thlang ih thawthawtnak cet tel lo in thawthaw thei ding dinhmun ah a um zo tiah a sim. Pope Francis cu siizung ah ni 7 hrawng a um hrih ding tiih an zum thu siizung ih kuat mi sii lethmat ca vek in theih a si. Nazi pali hrawng a rei mi operation  tuahnak ah khui lam ih rilpi hrek hrial in a tang lai mi ril te pakhat thawn kom ding mi operation tuah nak cu July 4 ah an rak tuah.

          A thok lam ah cun khawmzawhtu tampi pawl cun Pope Francis ih operation a tuahnak ruangah an mang a bang zet ih ‘rei lo te ih a dam cih sal ding thu, Pope Francis cu thinlung pacang zet tu a si ih mai ti thei tawkih bawmnak in a dam sal ding thu, operation tuahnak tinkim ah tih a nung ko nain Pope Francis a dam cih sal ding tiih an zum thu’ a rak sim.

          Leitlunhuap ih mipi pawl khal in Pope Francis zamrang ten a dam thei sal nak dingah thlacamnak cu English, Spain tong le Italian tong pawl thawn facebook cahmai ah an rak tarlang. Siizung ih sim mi vek a si le Pope cu leitlunhuap ih thlacamnak ca pawl a siar zo ih a dam sal zo thu theih a si. Hi thuthang cu Rome Reports thuthang ih kan don mi a si.

https://bit.ly/2VeNTWc