Pope Francis in DR Congo ih mi bawm tu charity pawl tonnak nei.

Pope Francis in DR Congo ih mi bawm tu charity pawl tonnak nei.

          Pope Francis in Kinshasa ih mibawm tu charity aiawh tu pawl tlawngkai nithum ah a tong ih man a nei zet mi an riantuan nak pawl ruangah lungawi thu a sim. Operators and beneficiaris of six charitable program le pawlkom pawl in harhdamnak lam ih an cangvaihnak le an hmuhton mi, fimthiamnak le mifarah pawl hrang thansonak lam an riantuan nak pawl an sim.

          Pope Francis in DRC ih Catholic charity pawl hnenah an riantuannak pawl ruangah lungawi thu a simih "nanmah pawl cu man a nei bik mi nan si" tiah a sim. "Tuilai ah mifarah pawl ziang ih an siar lo caan ah an mah pawl nan pom, anmah pawl a miat ngah nak ding hrang ih an hman caan ah thazang nan pek. Thazang pek nak cu mah hrang hlawk nak hrang lawng ih mi hman nak a dodal" tiin Pope in a sim.

          Pope Francis in an riantuannak pawl a lawm ih "a thupi bik mi cu mi harsa pawl kom nak asi" tiin a sim. "A tu nan tuah rero mi ziang si timi, thansonak thapek nak le DRC ah ruahsannak pawl le continent sungah ruahsannak tuahnak nan theihthiam deuhdeuh ding ka duh. Aw a thang lo mi pawl phuang suak dingah hitawk ka ra" tiin Pope in zangfah a dil.

          Himi charity pawl cu community of Sant' Egidio's DREAM centers Argentina's Fasta Association le midam lo pawl bawm tu Telema Ongenge le Kikwit ih Trappist sisters of Our Lady of Muanda pawl an tel. Taksa kim lo pawl, Hansen natnak le adang nat nak pawl khal Pope in a tuar pi nak a lang ter.

          Pope Francis in anmah pawl a ton nak ah DRC le adang Africa ah hmuhsuamnak, nautatnak le sualnak le ram ih tuahsual nak pawl ah a hman mi Christian sinak le a tum zet mi an thiam nak suah dingah a ruahsan nak khal a sim. "Farahnak le hnonnak pawl cu minung covo pawl a do ih an si nak pawl a sungter" tiin Pope in thupi zet in a sim.

          "Sinak taktak kilhimnak le minung covo tuahthat dingah Pope in tha a pek. DRC ih nauhak le kum upa a hnon nak ruangah a thin a phang ih nunphung rampi le hmailam hrang thiltha lo zet asi tiin asim thei. Minung ih thansonak cu hmailam hrang hminsinnak a um lo nak hmun ah thansonak a um thei lo tiin Pope in a sim. Pope Francis in Catholic Charity pawl hnenah mifarah pawl zangfah nak in Bawi Jesuh sinak aiawh dingah Pope in ruahnak a pek.

          Zumhngetnak, thiamnak le sumpai lam tawlrel thiamnak pawl cu a pakhat nak tahthimnak a si. A pahnihnak cu ruahsannak neihnak tiduh san cu mifarah pawl bom loihli nak hnakin hmailam saupi ruatin bomnak ti duh nak a si. Malte sung hrang remdiahnak hnakin theih nak pawl phuang nak le mah le mah uk awk thei nak thangsonak a tha sawn tiin Pope in a forhfial.

          A pathumnak cu "a rahsuak le man a nei mi thatnak" khat le khat komawknak, Christian communitis, a dang biaknak le minung sinak pawlkom pehpar awknak in khat le khat thleidang nak umlo in a ti duh mi a si. Himi thuthang cu RVA thuthang ihsin kan don mi a si.

https://bit.ly/3JCRZ1B