Pope Francis in Easter Sunday (thosal zarhpi ni) Missa a hoha.

pope_in_thosal_puai_ni_ah_missa_hoha

Pope Francis in Easter Sunday (thosal zarhpi ni) Missa a hoha.

         Biakkhawmnak kum ah Pawlpi ih a sunglawi bikmi Bawi Jesuh a thosal nak Eater Sunday Missa cu Pope Francis in St.Peter tual a hoha. Thosal nipi ni zinglam ah St. Peter tual rawn pi cu khawmzawh 45000 luan lai thawn a khat. Nertherland ih pangpar thawng hra lai thawn an ceimawi ih himi cu 1985 ihsin an nunphung vekin Vatican Basilica ih tuah an rak thok.

          Easter Sunday tiih kawh mi Bawipa ih thosal nak Missa cu Pope Francis in a hoha. Pope cu zan ah thuthang tha a sim ih zarhpi ni sun Missa ah thuthang tha a sim lo. Easter Vigil Mass a tuah nak ah Pope in Bawi Jesuh thlan ih a feh tu nunau pawl ih lungawi nak le an mangbangnak thu a sim.

          Bawi Jesuh ih thaw a nei lo mi ruak ai ah zianghman a um lomi thlan an hmu ih thihnak ihsin a thosal thu vancungmi in an sim. Pope in "nunau pawl cu thlan in tihphan lungawi phah in a dungthlun tu pawl hnenah an sim. Vutivek thotho in Easter in Christian hmuahhmuah hnen ah "kan sung nak pawl in hnonsak, kan ruahsannak a hlo ter tu thlan kar ong suak dingah le kan hmailam kha ruahsan nak thawn zoh dingah Khrih cu a tho zo ih thuanthu um daan a thleng" tiin a sim.

          Pope Francis in "a mah cu a nung timi kan thei ih a nung mi Pathian kan nei". Zan thum lai siizung ah tuamhlawm in April 1 lawng ah a suak thei nan Pope Francis cu a caanserh pawl a hoha theh. Good Friday ih Way Of The Cross cu Rome ih Colosseum ah an tuah ih Vatican ih a umnak Casa Santa Marta in a tel. Holy See Press Office in khuadaih tuk nak ruangah a tel lo tiin an than. Himi thuthang cu Vatican thuthang ihsin kan don mi a si.

https://bit.ly/3GqHBHx

Add new comment

12 + 8 =