Pope Francis in Gospel simthannak zung ih secretary tuanvo cu Nigeria ih Bishop hnen pek.

Pope Francis in Gospel simthannak zung ih secretary tuanvo cu Nigeria ih Bishop hnen pek.

          Pope Francis cu Nigeria ih Archbishop Fortunatus Nwachukwa hnen Gospel simthannak zung ih secretary tiin a khaisang. Archbishop cu kum 64 a siih mi vai pawl pawlkom ah Vatican ih aiawh tu a si. 2021 December 17 ihsin thokin Archbishop cu UN ah Vatican ih zingzoi ringring tu ti in siseh, Geneva thlarau lam zingzoi tu pawlkom le leitlun pehtlaih nak pawlkom pawl ah Vatican aiawh tu tiin a tel tu a si.

          Amah cu 1960 May 10 ah a rak suak. Puithiam cannak cu 1984 June 17 ah Nigeria ram, Umuahia Diocese ah a ngah. 1990 April ah Aba ih Puithiam tiin a thawn. Pope Benedict XVI in a hnen ah Nicaragua ih Pope aiawh tu tiin 2012 ah a rak khaisang. Cutivekin Trinidad le Tobago, Barbados, Dominica, Jamaica, Saint Kitts, Nevis, Saint Vincent, Grenadines, Guyana, Saint Lucia, Grenada, Bahamas, Suriname le Belize ram pawl ah khal Pope aiawh tu tiin rian tuan tu a si. Himi thuthang cu RVA thuthang ihsin kan don mi a si.

https://bit.ly/40qZRZr