Pope Francis in Greeece ih meikang ih a tuar tu pawl le Ukraine miharsa pawl hrang thlacam

Pope Francis in Greeece ih meikang ih a tuar tu pawl le Ukraine miharsa pawl hrang thlacam

          Pope Francis in hramlak meikang a tuar tu Greece mipi pawl hrang a lungrualnak a langter ih Ukraine mipi pawl hnenih naihniamnak lang ter dingah mitin hnenah zaangfah a rak dil.

          Zarhpi ni, Angelus thlacam theh hnu ah, Pope Francis in kan dung ah Greece saklam nisuahnak lam ih ramkang ruangih nunnak a liam tu pawl hrangah thla a rak cam sak.

          Europe rampi rak ziamral ter tu meisa kang pawl sungin pakhat a si mi ramkang cu tu tiangah mipum 21 in an nunnak an rak hloh ih mi thawng zalenglo in an inn an rak tansan.

          Pope in St. Peter tualrawn ih pumkhawm tu mipi pawl hnenah “ralbuainak tong rero tu Ukraine mipi pawl” hnenih naihniamnak langter dingah zaangfah a rak dil.

          Cui hnu ah Pope Francis in, St. Augustine ih Nu, St. Monica hnenah a puaini Pawlpi ih tuah a si vekin “nupi thathum, nupi cak” tiah a rak sim.

          “A thlacamnak le a mitthli pawl thawn, a fapa ih thlengawknak hrangah Bawipahnenah a rak dil,” tiah Pope Francis in a rak sim.

          Pope in “an fa le pawl an hlohral tikah lole nunram ih a harsa zet mi lamzin an zawh tikah” thlacam dingah mitin hnenah a rak sim.

          Hi thuthang cu Vatican thuthang ih kan ngah mi a si.