Pope Francis in hmaikum ah  India ram tlawng dingah tumtah.

Pope Francis in hmaikum ah  India ram tlawng dingah tumtah.

          Pope Francis in, 2024 ah India ram tlawng dingah a timtuah rero lai thu Zarhpi ni ah a rak sim. Thuthanglatu pawl hnenah, vanzam thawn Rome ihsin South Sudan ih khual a tlawnnak ding thu a rak sim. Vanzam thawn khual a tlawn laiah a ralai ding mi khualtlawnnak ding schedule (tumtah mi) pholangnak ah, Pope in August zarhkhat nak ih leitlunhuap mino pawl puai ni (World Youth Day) ah Portugal ram, Lisbon ih a tlawn ding thu a rak nemhnget ih sep 23 ih tuah ding mi France ram, Marseille ih Mediterranean Bishops meeting ah a tel ding.

          Pope in Marseille ihsin Mongolia ih a tlawn thei thu lam a rak hmuh thu khal AP News in theih a si. Pope Francis in 2024 ah India ram ih a tlawn ding thu khal a rak sim. Pope Francis in Oct, 2021 ah Indian Prime Minister, Narendra Modi ih Vatican a rak tlawn laiah India ram tlawng dingah sawmnak a rak dong.

          “Pope Francis thawn kan rak tongaw. A mah thawn thu tampi kan rak reltlang ih India ih tlawng dingah ka rak sawm,” tiah prime minister in khual a tlawn theh ah a twitter ah a rak tarlang. An tonawk lai ih zuk pawl khal Modi in social media ah a rak tarlang. Pope John Paul II cu India ram ih tlawng netabik tu Pope a si.

          Hi thuthang cu RVA thuthang ih kan ngah mi a si.

https://bit.ly/3I1wI0m