Pope Francis in hmailam caan thatnak hrang tuan dingah ziang tik hmanih thanau lo dingah forh.

pope_in_hmailam_caan_thatnak_hrang_tuan_dingah_ziangtik_hmanah_thinnau_lo_dingah_forhfial_tiah_sim

Pope Francis in hmailam caan thatnak hrang tuan dingah ziang tik hmanih thanau lo dingah forh.

          Pope cu DR Congo ih a Tuukhaal khualtlawnnak a nithumnakni, tlawngkai nili zing ah Kinshasa ih the Martyr’s Stadium ah Congo mino le Pathian thusimtu saya pawl thawn an rak tongaw. Pope Francis in mino pawl le Pathian thusimtu saya pawl hnenah an ram ih hmailam caan thatnak hrang tuannak ah ziangtik hmanih thanau lo dingah a rak forhfial. “Thanaunak ziangtik hmanah thang ter hlah uh!” tiah Pope in hngetkhoh zet in a rak sim.

          Mi tinkim hnenah an kut pawl a danglam ih ngah sal theih lo a si thu a rak sim. Kan kuttum kai dingah lole Pathian le midang pawl hnenih ong dingah pakhat khat cu kan relcat a tul. “Kan kutzungpi (zungpa) cu kan thinlung thawn a nai bik. Curuangah kan  nunram hrangah forhfialnak a si mi thlacamnak hminsinnak a si,” tiah Pope Francis in a rak sim. Pope Francis in mehtawk (zungnu) cu pawlkom dinhmun in a rak sim.

          Congo mino pawl hnenah pawlkom, champion unau pawl, le lungrual deuh mi leilungpi din dingah tha a rak pek. “Milai covo humhim dingah le hi ram ih um mi  mitin hrangah a tha deuh mi hmailam caan ruahsannak hrangah hmainor ngam dingah tir cia in nan um ih hlan awknak tumpi nan neih thu tu le tu nan langter ti ka thei tiah Pope in hngetkhoh zet in a rak sim. Pope Francis in zunglai cu tlaitluannak ‘ziaza sia cencer’ ih damnak sii ah a rak thleng.“Mi pakhat khat in laksawng an lo pek lole bawmnak le sumpai lam bomnak thukam pawl an lo pek a si le Thang ah tlak hlah uh,” tiah ralrinnak a rak pek.

          Zungnauum cu ngaithiamnak tiah a rak tarlang. “Ngaithiamnak cu thok thei salnak ti duhsan a si. Ngaithiam ding ti mi cu a liam zo mi hngilhnak ti duhsan a si lo; cu mi el dingah ti duhsan a si,” tiah Pope Francis in a rak sim. Hmailam caan hrangah netabik ih tel mi cu Pope in langsar zet in zungte (hngete) cu ‘riannak’ tiah a pholang.

          Midang pawl parih kan tuah mi pawl a fate ko nan, “malte lawng a si ih Pathian hiip thei mi ih cang dingah kan thuboh catnak a si,” tiah Pope Francis in a rak sim.

Hi thuthang cu RVA thuthang ih kan ngah mi a si.

https://bit.ly/3HUHq8I

Add new comment

8 + 9 =