Pope Francis ih Bishop pawl hrang tlangpar thuzirhnak pariat (8) November 23, 2021

pope_francis_ih_bishop_pawl_hrang_thlasuah_thu_zirhnak_pariat

Pope Francis ih Bishop pawl hrang tlangpar thuzirhnak pariat (8)

November 23, 2021

         Bishop pawl hrangah tlangpar thuzirhnak (8) cu Pope Francis in Italy ram ih Bishop pawl a rak hlawm.

  1. Farahnak thawn nun khuasaknak nunram ih a feh tu Bishop cu mi thluasuah a si. Ziangah tile a nunram teette thawn Vancungram dintu a si.
  2. Mai hmai ah mitthli fawr in thinlung kekkuai a tih lo tu Bishop cu mi thluasuah a si. Ziangah tile a mitthli ah minung pawl ih riahsiatnak pawl, Puithiam pawl ih hnatuan mi pawl a langter ih harsatnak a tuar rero mi fale pawl Pathian ih hnemnak a hawl ih a hmuh ter ruangah a si.
  3. Tuukhaal ih tuanvo cu thuneihnak hrangah si lo in riannak hrangah hmangin tangdornak cu thazaang ah cang ter in Tuuruun pawl thinlung sungah hmun a pek tu Bishop cu mi thluasuah a si. Ziangah tile a mah in thanau mi pawl Pathian ih kam mi hmun ih a hruai ruangah a si.
  4. Acozah zung pawl thawn pehpar mi thil pawl ah milai mithmai hnak in cazin pawl lawng zoh lo in milai pawl hrangah Pathian ih thudik a hawl sak tu Bishop cu mi thluasuah a si. Ziangah tile Pathian in nitin daiten a tuah mi thlacamnak ah tong in tha a pek ding.
  5. Farahzonzainak thawn a khat mi leilungpi hrangah lainatnak thinlung a nei tu, milai pawl nunram khaisang dingah mai kut balh a siang tu, mi tampi hmaiah nundaan tha a hmuh tu Bishop cu mi thluasuah a si. Ziangah tile a mai sambaunak pawl hmu in a thosal mi Khrih thawngin ngaidamnak a ngah ding.
  6. Leitlun thilri duhtuknak kian in thatlonak pawl lakah thatnak lawng keng dingah awlawksong lo mi Bishop cu mi thluasuah a si. Ziangah tile a mah in minung pawl ih nunram ah a lang ter ih Pathian ih hmai ah a lungawi ding.
  7. Remawknak thawn remdaihnak hrangih a zuamtu, Puithiam pawl lakah lungrualnak a cang ter tu, a thenthek aw mi milai pawlkom a kom aw ter tu, suahpi unau thinlung thawn mipi a dinpi tu Bishop cu mi thluasuah a si. Ziangah tile a mah cu Pathian ih fapa tiah kawh a si ding.
  8. Pathian thuthangtha ruangah san tiluan dodal in zirh ding a tih lo tu Bishop cu mi thluasuah a si. Ziangah tile miih ruah sualnak, donkhamnak pawl in a cawl ter lo ih Vancungram cu hi leitlun thawn a bang aw lo ti a theih fiang ruangah a si.

Hi thuthang cu Rome Reports ih kan ngah mi a si.

https://bit.ly/3xlkoks

Add new comment

13 + 4 =