Pope Francis ih covid 19 dokhamnak sii thawn pehpar in forhfial nak a nasa tiin sim (January 11, 2022)

Pope Francis ih covid 19 dokhamnak sii thawn pehpar in forhfial nak a nasa tiin sim

(January 11, 2022)

            Kum thar ah Pope Francis cu Vatican le upa pawl hnen leilungpi ih a cang rero mi thilcang thawn pehpar in Pawlpi din nak kha sim phahin kumthar cibai a buk theu. British ram ih Vatican ram palai tiin hna a tuan rero tu ram palai Christopher Trott in Pope ih kum thar thusimnak thenkhat a sim. Pope cu ram tin pawlkom pawl hnen saklam leitlun thawn pehpar in thaten rang zetin tuah in thlanglam leitlun ih mi pawl khal tel in covid 19 dokhamnak sii zamrang ten tawlrel sak dingah thu a sim. Ram tampi ih thuhla thupi pawl sim daan vekin a sim. Cui hnuah mai ramsung ih thuhla a sim.

            Ram palai cu ram palai an ret nak ca kan dung September thla ah Pope hnen a pe. Thla 4 sung Pope Francis ih biak nak lam ho tu pawl le remdaihnak le leitlun ih nikhua thlengnak thawn pehpar in thudik thu hman um nak thu thawn pehpar in a ton caan khal ah hnon tuar pawl thukha a  thusim nak tinkim ah hngilh lo in a sim nak hmuh a si thu a sim.

            Mipi hnen tuletu a theih ter nak cu thurelkhawm caan ah a thei lo tu pawl hnen thei dingah Pope ih a tuah nak a si thei thu, kan dung kum October thla biaknak lam hotu pawl thawn tonawk caan ah leitlun mipi ih zatek 70 a aiawh thei tu pawlkom hnen a tlun ih thu pawl thei dingah a sim thu, British ram le Vatican pawl cu kiangkap kilkhawi nak thurelkhawmnak a si mi COP26 UN hlan hmunkhat ih tuan tlang a si. Cozah pahnih in khal cui thuhla pawl cu ziang tluk in an tuah timi khal zingzoi a si thu, Pope cu thurelkhawmnak ih a thupit thu tuletu a sim thu, cutilawngah a bang aw lomi pawl felfai thei nak lamzin a si thu, himi thu cu British cozah dinhmun khal in thupi zet in tuah a si thu, thurelkhawm nak khalah thupi zet in an rel khawm thu, ram palai in amah dinhmun in Vatican le leitlun killi in Catholic thawn pehpar aw in 2022 ah ram tin thuhla thawn pehpar mi thuhla pawl asimi covid 19 dokhamnak sii zem darh nak,  a thupi mi hmunkip ih thuhla pawl thleng in thansonak pawl tuan vivo thei dingah ruahsan a si thu a sim. Himi thuthang cu Rome Reports thuthang ihsin kan donmi a si.

https://bit.ly/3nidYij