Pope Francis ih May thla hrang thlacam tumtah mi cu Religious mipa le nunau pawl formation hrangah tumtah. ( May 30, 2024)

Pope Francis ih May thla hrang thlacam tumtah mi cu Religious mipa le nunau pawl formation hrangah tumtah. ( May 30, 2024)

Pope Francis ih May thlahrang thlacam tumtah mi cu religious ( pumpe in Pathian hnatuantu nunau le mipa pawl) le Siangbawi tlawngta pawl hrangah thlacam dingah a rak sawm. Amai video tawite ih a ttongnakah Gospel thuthangtha tetti khan dingah le Pathian ih thlasuahnak, thlacamnak le Community ( pawlkom) ah ttetti an khannak in an mai hnatuannak pawl tthawngso  dingah thupit in a rak sim.

Hi May thlaah Pope in Siangbawi tlawngta pawl le Pumpe in hna a tuantu nunau le mipa pawl (formation) dinsuahnak hrangah kan thlacamnak pawl ap dingah in sawm a si.

Pope Francis cu May thla hrang thlacam dingih a tumtah mi a simnak video ah hnatuannak hmuahhmuah cu a harsa mi lungman khung pawl vek an si ih khatlam le khatlam ih hnawt a si tikah tuah ding mi le form tuah a tul thu peh bet in a rak sim.

Pope Francis in a tha mi Puithaim, Sister lole Fala thianghlim pawl cu Pathian ih zaangfahnak in din mi lole form tuah mi (zirh mi nuntuzia ) an si tul tiah a rak sim.

Anmah pawl cu an mai ri (cin le daan) an thei ih thlacamnak keng ringring dingah, Gospel thuthangtha ah ap aw in tetti  khannak a duh tu an si a tul tiah a rak sim bet.

Pope ih Worldwide Prayer Network ah pumpek nunram ti mi ca ah Pope in Seminary lole novitiate (Siangbawi tlawng, Brother, Sister tlawng ) ih an timtuahnakah midang pawl ih nunram thawn direct in pehtlaih awknakah pumhlum in an apawk a tul tiah a rak sim. Hi mi cu um lo thei lo mi a si tiah a rak sim.

Timtuahnakih pehbetnak cu Community  ( Pawlkom) sungih umnak hi a si. Community (Pawlkom) nunram cu veikhat veihnih ah cun a har nan tthatnak ter a si.

Community ih um tlangnak cu nunphung pawlkom thawn cun a banglo tiah Pope in pehbet in a rak sim.

Anetnak ah Pope in pumpe in Pathian hrangih ap awtu mipa, nunau pawl le Siangbawi tlawngta pawl cu an mai Pathian ih kawhnak cio ah minung sinak, Tuukhal dinhmunih hnatuannak, thlarau lam le Community formation ( hmunkhat in nun tlangnak ih zirnak) in an mai pumcawmnak ding lamtluan ah thanglian dingah cumi pawl cu Gospel thuthangtha tetti khannak si dingah thla ka cam tiah a rak sim. Hi mi thuthang cu vatican thuthang in kan don mi a si. Kan thuthan a rak siar theutu zumtu zate parah kan Cung Pathian in thlasuah phunkim lo pe in lo burh hram seh.