Pope Francis ih thansonak lamih hnatuan tu pawl forh fial nak

Thansonak lamih hnatuan tu pawl (Nunphung lam, Karuna, NGO) thawn peh par aw mi pawl kom hnatuan pawl in minung pawl ih nun ram thaten an thei thiam sak thei nak dingah zuam cio dingah Pope Francis ih forh fial nak (December 6)

          Kan dung zarh tlawngkai ni nga ni ah Pope Francis cu Italy ram ih Magazine pakhat a si mi Aggiornamenti Social ih Aiawhtu upa pawl thawn an ton khawm nakah hnatuan tlang nak, rel tlang nak le mipi pawlih an dinhhmun thei thiam sak nakin minung pawl karlak ih lilawn tuah sak nak, farah nauta pawl parah zangfah lainat nak nei dingin thazang a pek a si.

          Pope Francis ih sim mi thu pawlah Khrih ih tlangpar ih zirh  mi thu pariat pawl kha thinlung sungah thun lut in thuthennak ah fel ten thu then nak a um lo mi mifarah nauta pawlihdin hmunah mah le mah vun ret aw in tuar pi ding hi a forh fial a si. Midang parah thu then sual nak thinlung um lo dingin zalen nak thinlung thawn an thu ngai sak thei nak dingah khal a forh fial a si. Thurel tlang nak ah thil tha kha hmasuan in thu dik hawl tlang nak  le thlacam sak nak thawn tuan dingin a forh bet a si.

          Thiangthlarau Pathianih lam hruai nakin mifarah pawlih harsat nak pawl thei thiam sakin an mah thawn bangran ten an nun ram khai san sak ding khal cu a forh fial a si. Pakhat lawngih tuan nak si lo in Thiangthlarau Pathian ih lam hruai nak in Pawl kom nak hnatuan thawn tuan tlang dingah thazang a pek  hnuah thu dik thu hman a hal tu pawl mithlasuak an si ti mi Khrih ih tlangpar thu zirh nak thutlang thawn a rak sim mi a si.

https://bit.ly/2YSsmQS