Pope Francis in India ah Bishop thar pahnih khaisang.

india_ah_bishop_thar_pahnih_ngah

Pope Francis in India ah Bishop thar pahnih khaisang.

          Pope Francis in February 4 zarhte ni ah Fr.James Shekhar (55) cu saklam India ih Bihar, Buxar ih Bishop thar tiin le Fr.Wilbert Warwein (52) cu nisuahnak saklam India ram Meghalaya ih Nongstoin ih Bishop thar tiin a khaisang.

Buxar ih Bishop hril mi James Shakhar

          Fr.James Shekhar cu 1967 September 23 ah Singamparai ih Palayamkottai Diocese ah a rak suak. Muzaffarpur ah Minor seminary a kai ih cui hnu ah Allanhabad ih St.Joseph Major Seminary ah tlawng a kai. 1996, May 26 ah Potma Archdiocese ah Puithiam ordination a ngah.

          Zung a phunphun ah le a dang fimzir nak pawl ah rian a tuan. 1996-1997 tiang Mokama ih Parish vicar, 1998-2003 tiang Diocese ih Youth Ministry ah director tiin le St.Mary seminary ah professor, 2003-2005 tiang Rome ih St.Thomas Aquinas ih university ah Bible lam ih theology a zir. 2005-2009 tiang Austria ih Innsbruck university ah Bible lam Theology a zir, 2009-2015 tiang Patna Archdiocese ih secretary tiin, 2015 ihsin Bihar, Jharkhand le Andaman ih Episcopal Council ah secretary tiin rian a tuan. Patna Archdiocese ih social work ah Diocesan director tiin le Bihar social forum ih director tiin rian a tuan rero.

Nongstoin Bishop tiin hril mi Wilbert Marwein

          Fr.Wilbert Marwein cu 1970 February 17 ah Rangblang-Sohsyniong ih Shillong Archdiocese atuih Nongstoin Diocese ah a rak suak. 2003 April 27 ah Shillong Archdiocese ah Puithiam ordination a ngah ih 2006 April 27 ah Shillong Archdiocese ah Puithiam ordination a ngah ih 2006 ah Nongstoin Diocese thar ah rian a tuan.

          1988 ah St.Paul seminary ah a rak lut, 1991-1992 ah Shillong ih St.Xavier Minor seminary ah tlawng a rak kai, 1994- 1997 tiang Shillong ah Christ King college ah Philosophy a rak zir. Shillong Archdiocese Pynursla ih Pastoral azir hnu kum hnih hnu 1999-2003 Shillong ih the Oriens Theological College ah theology a rak zir. 2007-2010 tiang Rome ih Pontifical Urban university ihsin Missiology licence  a rak ngah.

          Ordination a ngah hnu in 2003-2005 ah Shillong Archdiocese Ummulong ah Parish Puithiam ih bawm tu tiin rian a tuan ih 2005-2007 tiang Shillong ih Oriers theological college ah Procurator tiin rian a rak tuan.

          Rome ih fim a zir hnu 2010-2015 tiang Italy ih Cosenza Diocese ah Parish Puithiam bawm tu tiin rian a tuan. 2015 December -2019 October tiang Nongstoin Diocese ah Vicar general a rak tuan. 2015 December ihsin Nongstoin Diocese ih Divine Saviour Church Nonbah ah Parish Puithiam a tuan. Himi thuthang cu RVA thuthang ihsin kan don mi a si.

https://bit.ly/3li7YHZ

Add new comment

4 + 0 =