Pope Francis in Iran President Raisi nunnak ruangah hnemnak ca kuat. (May 20, 2024)

Pope Francis in Iran President Raisi nunnak ruangah hnemnak ca kuat. (May 20, 2024)
Pope Francis in Iran President Raisi le ramdang thawn pehpar tu (Foreign Minister) Amir-Abdollahian tei ih nunnak cemnak ruangah Iran ih Islamic Republic hotu Grand Ayatollah Sayyed Ali Hosseini Khamenei hnen a riahsiatnak ca a rak kuat.
Pope Francis cu Iran President Ebrahim Raisi, Foreign mister a si mi Hossein Amir-Abdollahian thawn May 19 ni ih helicopter cangsuaknak ruangih nunnak cemtu zate hrangah a riahsiat thu telegram in ca a rak kuat.
Pope Francis ih ngan mi telegram sungah Pathian ih zaangfah nak thawmhuham thawn nunnak cemtu pawl thlarau cu a rak ap ih a tanglai tu an innsang pawl, a riahsia tu zate pawl hrangah thlacam nak thawn a rak ap sak. A tuvek harsat lai caan ah nai ten a um pi thu khal a langter a si.
Iran Isalamic ram hotu upa a si mi Grand Ayatollah Sayyed Ali Hosseini Khamenei in ninga sung an riahsiatnak an langter ding tiah a rak than.
President Raisi le a kuthnuai pawl cu an ramri innhnen a si mi Azerbaijan ramah an feh hnuah ramih nitlaknak lam saklam ih tlang tamnak hmunah Helicpter thawn cangsualnak ruangah an nunnak a cem nak a si tiah an sim.Hi mi thuthang cu vatican thuthangin kan don mi a si. Kan thuthang a rak siartu zate parah thlasuahnak um hram seh.