Pope Francis in Israel ih um Holy Land hrangah Vatican Apostolic Nuncio thar tuanvo a ap June 3, 2021

Pope Francis in Israel ih um Holy Land hrangah Vatican Apostolic Nuncio thar tuanvo a ap

June 3, 2021

          Vatican ah Bawipai Thi le Sa puai ah Pope Francis in Philippines Archbishop Adolfo Tito Yllana cu Israel le Cyprus ih Vatican Apostolic Nuncio dinhmun in siseh, Jerusalem le Palestine hrangah khal Pope Francis in ai-awh tu ih tuanvo a p thu a rak than. Curuangah Archbishop in tui rian a tuan hlan ah Africa, Asia, Europe le tipi kap ram pawl ah Vatican ai-awh tu dinhmun in a rak tuan. Cui a hmuhton mi pawl thawn tui Pope Francis in a parlam ih a tarlang zo vek in rian tuan dingah tuanvo a rak ap. Archbishop  cu kum 73 a ti zo ih Australia ram hrangah Apostolic Nuncio dinhmun in rian a rak tuan.

          Archbishop cu 1948, February 6 ah a rak suak ih 1972, March 19 ah kumkhua Puithiam cannak a rak lak. Nu Pawlpi ih upadi daan khal Rome khuapi ih um Pope ih nemhnget mi tlawng pawl sungin pakhat a si mi Lateran University ah upadi buaih a rak ngah. Hi fimthiamnak a zir theh hnu lawngah Diocese ih dungthluntu nunram ah 1984 ah a rak lut. Rian a rak tuan nak ram pawl cu Ghana, Sri Lanka, Turkey, Lebanon, Hungary le Taiwan rampawl an si.

          2001, December thla ihsin thok in Pope St. John Paul II in Papua New Guinea Vatican Apostolic Nuncia dinhmun in a rak than ih 2002, January 6 ah Bishop cannak cu St. Peter tualrawn ah a rak ap. A cawl zo tu Pope Benedict XVI san lai ah a mah cu Pakistan ih Apostan ih Apostolic Nuncio dinhmun in 2006 ah tuanvo ap a si. 2010 ah Congo ram ih Pope ai-awh tu in siseh, 2015, February thla ah Pope Francis in Australia ram ih Vatican Apostolic tuanvo a rak pek. Apostolic Nuncio ti tla ih kawh mi Apostolic Delegate Pope ih ai-awh tu si hnu cun Biaknak lam lawng si lo in mah thlen nak ram ih ramkhel dinhmun caanserh ah Vatican ai-awh ih tel a tul. Apostolic Delegate kan ti mi cu a tlangpi thu in ramkhel cozah lam tel lo in Biaknak lam lawng a si theu.

          Hi thuthang cu Vatican thuthang ih kan don mi a si.

https://bit.ly/3uYpWib