Pope Francis in Italy palik pawl hnenah Vatican ih an riantuannak ruangah lungawi thu sim.

Pope Francis in Italy palik pawl hnenah Vatican ih an riantuannak ruangah lungawi thu sim.

          Pope Francis in Italy palic pawl hnen ah St.Peter tualrawn ih kilhim nak hnatuan le Vatican hmuan sungih an hnatuan nak ruangah a lungawi thu a sim. “Thiam zet ih nan rian tuannak, zangfah nak thawn nan mi bom nak pawl zaten ruangah ka thinlung tak in ka lungawi” tiin a sim bet. January 12 Clementine hall ih tuah mi Vatican ih zingzoi tu pawlkom, hnautan tu le director pawl hmaiah a simmi a si. Italy ih humhimnak hnatuan tu pawl cu Vatican hmuan sung pawl le St.Peter tuanrawn ah kilhimnak hna an tuan. Himi cu Italy le Holy see karlak ih riantuannak a si.

          Vatican ih khawmzawh pawl, Rome ih a tlawng tu mipi le Italy ah Pathian thu ruangih khualtlawng pawl humhim nak hnatuan pawl hrang Pope in thla a cam sak. Kilhim zingzoi tu pawl hnen Pope in “an hnatuan nak ah phur zet in zuam zet in tuan dingah a forhfial. Harsatnak a phunphun karlak ah an riantuannak cu “an pawlkom le an kiangkap pawl bom dingah an zuam ringring ding a beisei”. Hmun tinkim ah Pathian ih duhdawtnak langter in ahleicein Gospel karhzai ter nak ah lang ter dingin Pope in a forhfial.

          Nitinten nanmah pawl lungawi zet ih a lo hmuak tu pawl nan hmu ding tiin palic pawl hnen ah a simih, Pathian cu nan hnen ah um hramseh tiin a sim. Leitlun ih a thupi bik mi cu remdaihnak timi tong men hnakin tuan taktak dingah, himi riantuannak cu remdaihnak hrang a si tiin Pope in a sim. Pope Francis in an hrangah thla a cam ih Bawinu Mary le Mithianghlim pawl ih palik upa asimi St.Michael hnen ah anmah pawl a hlan. Himi thuthang cu RVA thuthang ihsin kan don mi a si.

https://bit.ly/3iDShKu