Pope Francis in Italy ram Ischia ih tilian nak a tuar tu pawl hrang thlacam sak.

Pope Francis in Italy ram Ischia ih tilian nak a tuar tu pawl hrang thlacam sak.

            Pope Francis in zarhpi ni St.Peter tualrawn ah Italy ram Ischia ih tilian nak a tuar tu pawl hrang Angelus thlacam nak ah thla a cam sak. “Harsat nak a tuar tu pawl le mi bawm tu pawl hrang thla ka cam” tiin a sim. Pope cu Ischia tilian nak a tuar tu pawl thawn nai te ah a um. Khawmzawh tu pawl hnen ah Ischia ih tilian nak ih siatsuah a tuar tu pawl hrang thlacam dingah a sawm.

            Zarhte ni zinglam ah ruah nasa tak ih a sur nak ruangah leimin nak in inn pawl umnak le mawtaw pawl khal Italy ram Ischia tikulh kiang Naple tiang a fen. Aljazeera news agency ih an sim nak vekin Italy ram Ischia ih rinlo pi ih ruahsur nak le leimin nak ruangah naute hnaifop lai le nauhak pahnih tel in a malbik mi pasarih an nunnak an liam tiin a sim.

            Naples Prefect Claudio Polomba in zarhpi ni ah mi panga cu an hlo lai tiin a sim. Zarhpi ni ih thu an suah nak vekin Italy ih Prime minister Giorgia Meioni in “a dang lam zet mi tilian nak le leimin nak” thu pawl a than. Italy ih Fire Brigade, CNN in tweeter ih an tar mi thawn pehpar in meisa thattu mi 70 cu cui tikulh ah mi hawl nak ding le bawm dingah an feh tiin a sim. Himi thuthang cu RVA thuthang ihsin kan don mi a si.

https://bit.ly/3u8uXqd