Pope Francis in kum upa pawl le a dam lo mi Puithiam pawl ih an rinumnak ruangah lungawi thu a sim. September17, 2020

pope_francis_in_kum_upa_zo_mi_siangbawi_tha_pe.jpeg

Pope Francis in kum upa pawl le a dam lo mi Puithiam pawl ih an rinumnak ruangah lungawi thu a sim. September17, 2020

         Pope Francis in Italy, Lombardy hmun ih an tuah mi kum upa pawl le mi dam lo Puithiam pawl hrangih thlacamnak ni ih a tel tu pawl hnenah ca a kuat. Ca kuat sungah  kum upa pawl le mi dam lo pawl thawn an rak din nak kumruk a rei mi Lombardy hmun ih Episcopal Conference hnenah Pope in lungawi thu a rak sim. “Hi mi cu a mawi tuk” ti mi taksa lam ih a dam lo mi Puithiam pawl hnenih thuthangtha sim cia mi Pope Francis in a rak sim bet.

         Pope Francis in coronavirus ruangih tuah mi rikhiah pawl karlak ih Sanctuary of Our Lady of Caravaggio ah Bishop thawn a feh tu ding kum upa pawl le mi dam lo Puithiam pawl hnenah a lungawi thu a rak lang ter.Cui tualrawn cu Italy, Lombardy ah a um ih Our Lady of the Fountain an phum nak hmun khal a si.

Lungawi thusimnak

         Ca kuat sungah Pope Francis in, “Pathian hnen le Biakinn par ih an rinum nak ruangah lungawi thu a rak sim. Pathian thu dai ten nan phuan ruangah le pawlpi tha dingih nan dinpi ruangah ka lungawi,” tiah a rak ngan. Pulh nat ruangih rikhiah a tong tu mi tampi an um thu Pope in kan dung thla rei lo te ah a rak ngan. “Mipum rikhiah ih caan kan hman ni hi cem ti um lo in a bang aw ringring,” tiah a rak sim.

         A sim bet mi cu, “Kan duhdawt mi hnen in siseh, kan rualpi pawl hnenin siseh suanawk nak kan tuar ih pulh nat tih lo dingih tha pe aw dingah kan thazaang a mal vivo. Puithiam tampi in an u le pawl in nitin an ton mi harsatnak pawl ah hmuhton mi tampi an neih thu a sim bet.

Hmuhnak parih zir nak

         “Hi mi ih in pek mi fim zir nak cu hngilh hlah uh si,” tiah a rak sim. Catholic Bible sungta Pope Francis ih a sim mi cu Puithiam pawl ih nunram ah thanaunak cu a thianghlim meisa a si lo le hnipuan sawp nak satpia vek a si tiah Malakhi 3:2 sungta a rak sim. Kan nih cun harsat nak tuar kan tih lo. Ziangah tile Bawipa in kan Thinglamtah cu in phurh bawm ding a si. A ca kuat cem nak ah Pope in mi dam lo le kum upa Puithiam pawl cu Bawinu Maria ih kut sungah a ap ta ih nat hrik ruangih nunnak a liam tu le nat hrik a tuar rero lai tu Puithiam pawl mangsal in thla a rak cam sak.

         Hi mi thuthang cu 17 September 2020 ah Vatican thuthang ih kan don mi a si.

https://bit.ly/33DWUbU

Add new comment

4 + 4 =