Pope Francis le America President ih hril mi Joe Biden thawn phone in biak aw. November 13, 2020

Pope Francis le America President ih hril mi Joe Biden thawn phone in biak aw.

November 13, 2020

            Vatican thuthang zung ih director tuan tu Matteo Brunoi in Pope Francis le America President hril mi Joe Biden cu  tlawngkai nili ni ah phone thawn an biak aw tiin a sim. Pope thawn an biak awk hnu America Catholic Bishop pawl ih phone thawn lom nak tongkam khal a ngah. Ziangruangahtile Joe Biden cu America thuanthu ah Catholic zumtu tiin hrilmi a pahnih nak President a si. Amah hlanah John F.Kennedy a rak tuan zo. Los Angeles Archbishop ih Bishop Matteo Bruni in "zalen nak thluasuah hrangah Pathian hnen ka lung a awi. Tui caan cu rampi ih rual rem nak hrangah kanmah pawlih ram upa pawl hmunkhat ten kom in tong aw ih thurel dingah le mitampi that nak hrangah tuah a tul zo thu a tui hril awk nak ah an sim.            

            Catholic sinak khal in siseh, America rammi sinak khalin siseh, a hleice ih tuah dingmi cu a felfai tuk. Kanmah pawl cu Bawi Jesuh dung thlun dingah kan si. A duhdawt nak cu kan nun ramah langter dingah, Pathian ih ram cu leiparah din dingah a si. A tui caan ah America thuanthuah Catholic pawl cu remdaih nak tuah tu si dingah, ulenau taktak thinlung khaisang dingah, khat le khat zum aw dingah, ram duh nak thinlung thar nei sal dingah khal thlacam dingah, America ram pi a bawm tu Bawinu ih thlacam sak nak khal a dil sak thu, cutiin kan zaten lungrual ten tuan tlang ding ti thei dingah, himi theih nak cu America a hmu hmaisa bik tu Pathian rian tuan tu pawl le America ram din tu pawlih tumtah mi a si thu, America ram cu Pathian ih kilhim nak a co tu ram, a thianghlim mi minung nunnak cu ziangtivek khalin siat suah lo dingah a bawm tu ram, thinlung ruah nak, thinlung ih zalen nak khal siseh, biak nak lam zalen nak khal siseh aamahkhan pe tu ram a si tiin a ca sungah nganin a kuat. Himi thuthang cu Vatican thuthang ihsin kanngah mi a si.

https://bit.ly/3nl2LuJ