Pope Francis le India Minister Modi, October 30 ah tongaw ding October 28, 2021

 Pope Francis le India Minister Modi, October 30 ah tongaw ding

October 28, 2021

         India Minister Narendra Modi cu October 30 ah Vatican ih um dungthluntu hall khaan ah Pope Francis thawn minute 30 rei an tongawk ding tiin Vatican in thuthan a suah. India Minister Modi cu vei 16 nak G-20 le COP-26 conference pawl ah tel dingah October 26 in November 2 tiang Rome khuapi le Glasgow ah khual a rak tlawng ding.India Minister Modi cu hi khualtlawnnak hrangah October 28 ah India in a pok dingih nunphung daan vekin Vatican ih thu nei tu bik, kum 84 a kim zo mi Pope thawn an tongawk ding tiin khal India thuthang zung in thuthan a suah. Catholic Pawlpi hruai tu le Modi cu hmaisabiknak an tonawknak ding a si.

         Tui India Minister Modi, Minister ih hrilnak a ngah hlan 2013 March 13 ah Pope Francis cu Pope ih hrilnak a rak ngah. Pope Francis dinhmun in India ih tlawn a duh zet nan thil remcang thiam hrih lo ruangah hi caanserh a cang thei hrih lo tiah a sim. Kan dung January thla ah khal India in Cardinal pathum cu tui Minister Modi an rak tongih India ah Pope Francis sawm dingin an rak dil. India ram Kerala Catholic Bishop pawl council hotu, Cardinal George Alencherry in hotu pahnih ih tonawknak cu thuanthu sungih tel ding mi a si ih thurel ih pehtlaihawknak vek a um ding tiih a zum thu a rak sim.

         Hi thuthang cu RVA thuthang ih kan ngah mi a si.

https://bit.ly/3pNFW7v