Pope Francis le Slovakia president pawl Ukraine ralbuainak le ral tlan thuhla an rel tlang.

Pope Francis le Slovakia president pawl Ukraine ralbuainak le ral tlan thuhla an rel tlang.

December 12, 2022

          Pope Francis cu Slovakia ram ah a feh ih ram ih president thawn an ton awknak thla 15 a rei ih a tu Vatican ih an ton awk nak a si. Upat tlak zet mi St.Francis Assisi zuk cu president in Pope Francis hrang laksawng a pe. Himi zuk suai tu saya cun Mithianghlim pawl ih zuk lawng a suai theu. Cutivekin Slovakia ram mi pawl ih kut suak Christmas laksawng le thlumte (chochin) pawl khal an pe. Himi laksawng pawl cu thinlung hman lo pawl, taksa kim lo pawl ih tuah mi a si. Slovakia ram ih nauhak pawl zirh mi Pope Francis thu cauk khal laksawng an pe.

          Pope Francis khal in president hrang thlatang caan dai a tuar tu mi harsa pakhat hrang a kor tlun thuah thlek in a pe tu St.Martin ih dar thawn tuah mi thii a rak pek. St. Martin vekin mi harsa bom tul pawl bawm ding khalah a rak forhfial. President dinhmun in cuvek in a tuah thu, pehbet in tuan dingah le thazang suah in tuah dingah a sim.

          Pope le President tei ih tonawknak cu nazi khuai a rei ih khat le khat hrang thlacam sak aw dingah a dil ih lungawi ten cibai buk aw in an theh. Pope cu (September 2021) Slovakia ram ih a feh lai khalah President thawn a dangten an tong aw. Slovakia President cu a hlan ah kiangkap lam daan a thiam zet mi lawyer pakhat a si. Curuangah Pope Francis thawn kiangkap tahwn pehpar mi thu hmaisa ah an rel tlang. Tui tum tonawknak ahcun Ukraine ralbuainak le Ukraine ram ih raltlan pawl cohlang nak thu thawn pehpar in thu an rel tlang tiin an sim. Himi thuthang cu Rome Reports thuthang ihsin kan don mi a si.

https://bit.ly/3uS5XEf