Pope Francis in a lem mi ruahnak lam ziaza hmannak langsar ter.

Pope Francis in a lem mi ruahnak lam ziaza hmannak langsar ter.

          Pope Francis in scientist mithiam hleice pawl le leitlun ihsin technology lam mithiam hleice pawl hnenah tlawngkai nikhat ni, Vatican ah bengvarnak lam ziaza hmang dingah a rak forhfial. Bengvarnak le cet thilri pawl thiamnakih thathnemnak pawl cohlang in, Pope Francis in, “ziaza sinak nei zet in le tuanvo laknak um mi technology tuahtu pawl ih cat bang lo in tha ten tuah lawngah hi saduhthah kan tuah suak thei ding ti a fiang,” tiah a rak sim.

          Pope Francis cu scientist pawl, leitlunhuap ih technology mithiam hleice pawl le fimthiamnak le nunphung hrang Vatican’s Dicastery ih pawlkom din mi Pawlpi ai-awh tu pawl thawn an rak tongawk.Tonkhawmawknak cu social le digital technology pawl, a hleice in nunphung lam ih cang mi pawl thei sinsin dingah an tumtah mi a si.

          “Technology in milai thupit mi, ziaza lam hrambun in thatnak lam pan ter dingah mi tampi in an tuah rero ti theihnak in kan thin a nuam ter” tiah Pope Francis in thupi zet in a rak sim. Pope Francis in technology cu milai innsang hrang  a hleice in siivai lam, engineer lam, le pehtlaihnak lam pawl ah ‘thatnak a um’ tiah ar ak pholang.

          “Zumtu pawl le zum lo tu pawl lakah hramthok thlun mi daan pawl, science le thiamnak lam thusuhnak pawl le nunram ih duhsan hawlnak hrang thureltlangnak in remdaihnak le pumkhat a si mi milai thansonak ah tidaan pakhat a si ti i zum ter” tiah Pope Francis in hngetkhoh zet in a rak sim.

          “A dik mi thansonak khaisang dingah, a tha deuh mi leilungpi le lungrual ten tlanlennak nunram ah bawmnak cang ter dingah leitlunhuap pawlkom pawl ih zuam zet ih tha an suah mi pawl a rak lawm. “Curuangah a cang mi technology pawl relcatnak ah nunau, mipa tinkim ih sinak khaisang dingih ruahnak thawngin lo forhfial ka duh. An mah in cui sinak an upat ih sinak tin ah an pholang mi khaisan sak mitiang ziaza lam in teette khaan a tul” tiah Pope Francis in a rak sim.

          Pope in science lam a dik mi thanliannak le technology lam siam thar nak cu bangraannak le nunphung pawlkomnak thawn thlun a tul tiah thupit in a rak langsar ter. “Milai sinak cu mi pakhat ih hramthok man hlatnak ah thil terek pakhat thawn tah theih lo ti mi nemhnget ih upat a tul tiah a rak tarlang.”

          Pope Francis in mi pakhat ciar ih pianzia le nunphung le sumdawnnak lam thu bohcatnak ah tu le tu data pawl a thupten an khawl mi algorithm pawl hnenih ap nak ruangah ralrinnak a rak pek. “Milai sinak upat dingah lole zawnruahnak pawl tel in zaangfah lainatnak, ngaidamnak, le minung pawl an thleng aw thei ti mi ruahsannak hrial dingah algorithm rikhiah ih tuah on a theih lo” tiah Pope in hngetkhoh zet in a rak sim.

          Hi thuthang cu RVA thuthang ih kan ngah mi a si.

https://bit.ly/3JX8pjL