Pope Francis in a mah a kiltu thar pawl tongin cibai a buuk. Oct 02, 2020

Pope Francis in a mah a kiltu thar pawl tongin cibai a buuk. Oct 02, 2020
                          Pope Francis in kan dung tlawngkai ninga ni ah St. Peter ih dinhmun a lak tu Pope pawl a kiltu thar pawl thawn nelaw ten a rak tong. 
    Cui tonawknakah nauhak lai ihsin a tu vek in pek awk duhnak nei dingih tuah nak cu innsang ih zumnak ziangtluk in a thupi ti lang nak a si tiah a sim.
    Hi mi a kiltu pawl ih innsang pawl an tonkhawmawk nak cu Swiss Catholic ralkap pawl in Nu pawlpi ziangtluk in a tha, nu le pa pawl in mai fa le pawl hnenih pek mi fimthiamnak, a tha mi tahthimnak hmuh nak a si. 
    Siangzetih a pe aw tu, riantuantu si thei dingah mai kiang nai te ih a um tu pawl remdaihnak a si ti nak a si.
                     Pope cun hi mi canserh kha caantha ah la in a hlan ih rian a tuantu Vatican Swiss ralkap pawl khal mangsal in a sim. A hleice in Rome khuapi ral pawl ih siat suah ding dinhmun ah Swiss ralkap pawl cun ral tha zetin Pope ih nunnak an humhim. 
    Cui ralthatnak, harsat nak cu mai nunnak thawn humhim nak ding thinlung nan hnen ihsin hlo ter hlah uh. 
    Tu lai mino tampi cu ruah nak le nuntuzia ih dunglamzetih a um mi thlarau lam that lonak dinhmun tiang an tuah. Hi ti vek ih tuah nak cu an taksa lam ih duh nak thlun nak a si. 
Swiss ralkap pawl le Rome khuapi
                      A tu vek in a thar hrilnak cu Rome khuapi sinak in a tha bik pe thei dingah ruahsan a si thu, ziang ruangah tile hi mi tuah daan cu thuanthu, nunphung le zumnak ah a famkim. 
    Curuangah hi mi tuahdaan cu hi mi caanserh caan tha lam nan nunphung, mai tong, thlarau lam pawl kha tamdeuh in tha tam dingah bom nak a si. 
    Pumpek hnatuan lai ah tikcu caan cu nan hrangah ziang tik caan, ziang thil thawn hman tahthim a ngah lo mi caan a si. Lungawinak thawn a khat mi Khristian nunram ah a feh ding. 
    Bawi Jesuh hnenah rintlak in um uh. Pope in a thar ret mi Vatican Swiss ralkap pawl hnen peh bet in nan tuah ding mi thutiamnak khal Baptisim san lai ih kawhnak nan ngah mi lang ter nak a si.
                          A mah in nan mah cu a mai minung le Khristian si dingah, nan zumnak in midang ih suanvor tlak nunram si dingah a si. 
    Bawi Jesuh kha bomnak peknak thawn a thianghlim mi thlarau ih thil ti thei nak thawn nan tong ding mi kawh nak, dawnkhamtu pawl ding ten le thuk zet in nan pahsuak thei ding a si. Bawi Jesuh cu nan lam ih a um kha hngilh hlah uh. 
    A mah cu nan mah thawn a umnak hnemnak cu nan ngah ding tiin khal ka zum thu, Vatican ah rian a tuan rero tu Swiss ralkap pawl zate khal Pathian rian nan tuan ruangah ka lungawi vekin tha zet in hna nan tuan ruang khal ah ka lungawi," tiin a sim. 
                        Cui hnu ah Calcata khuapi ih St. Teresa ih thu sim mi pakhat a si mi, "Kan netabik nunnakah kan mah pawl in ziangzat kan tuah ti in zoh lo ding. Kan tuah mi ah duhdawtnak ziangtluk kan ret," ti lawng in zoh ding thu sim phah in a cem ter.
    Vatican ralkap 38 ih thukam lak nak ding caanserh cu May 4 ah tuah ding a si nain Covid-19 ruangah an thawn ih October 4 ni ah an tuah. Hi mi caanserh khal harhdam nak lam ih lamhmuh mi vek in dai ten tuah a si. 
    Hi thuthang cu October 2, 2020 ah Vatican thuthang ih kan ngah mi a si.

https://bit.ly/36yacK3