Pope Francis in mangbangza thluasuah dil cio dingah a sawm March 28, 2021

Pope Francis in mangbangza thluasuah dil cio dingah a sawm

March 28, 2021

          Pope Francis in “Palm Sunday” tiih kawh mi thluhfau Puai Zarhpi ni cu corona nathrik ruangah rikhiah mi St. Peter Basilica Biakinn pi ah an rak tuah. Cu vek in leitlunhuap ih um taan leng lo a um mi pawl cun caanserh cu Tv le radio pawl ih thlah mi pawl in an rak tel.

Upat nakin mangbangnak ah

          Pope Francis in thuthangtha a sim nak ah kan nih cu Jerusalem ih Bawi Jesuh a rat tikah lungawi zet in kan hmuak. Thinglamtah ah thah a tuar ding ti mi thuthennak a hmuh tikah a riah a siat thu, mipi pawl in “Hosana” tiin an hmuah hnu ni rei lo te ah “Thinglamtah par ah that aw” tiih au-aw kan theih thei thu, mipi in Bawi Jesuh cu an upat ko nain an mah le an mah Bawi Jesuh thawn mangbang ter dingih on a si lo thu, thilcang hman hmuh a theih thu a rak hlawm.

          Hi hman mi pahnih cu an bang aw lo ih upat nak cu mai duh nak le ruahsannak pawl ih dungthlunnak a si ih mangbang nak cu kan thinlung ruahnak le nunram thleng ter nak a si.

          Kan nih khal upat nak ihsin mangbang nak ti mi tiang thleng dingin hniksaknak cohlang dingah Bawi Jesuh parih upat nak hnak ih tam deuh in Bawipai keneh vek in feh ve uh si.  

Tangdornak thawn huham langter nak

          Bawi Jesuh cu farah harsatnak le thihnak a cohlang ih ningzahnak ruangah thawm huham in hlawhtlinnak a rak ngah ih kan nih khal upat nak le hlawhtlinnak hawl nak pawl hrial a tul.

          Hi vek in milai pawl ih a thuk zet mi dinhmun ah Bawipai a rak tuar nak cu kan hrangah a si ih hi vek ih milai pawl ih hmuhton mi umnak le sambaunak pawl ih a thuk bik mi dinhmun ah Bawipai tuar nak cu kan mai hrangah a si ih harsatnak kan ton caan ah siseh, kan thih ah siseh, in tan men lo in hmai kan nor nak pawl le thubuai pawl in in rundam dingah a si thu Pope Francis in a rak sim.

Thluasuah dil uh!

          Pope in “mangbangnak a um nawn lo mi zumnak cu a hlo thei” tiin a rak sim. Bawi Jesuhih duhdawtnak cu ngaidam ringring nak le a thar mi caan remcang pawl a ngah ter tu mangbangza pawl an si ti theih sal a tul” tiah sim phah in mangbangza thluasuah co dingah Thinglamtah zoh in Pathian ih siar cawk lo a duhdawtnak thawn thangphok nak co dingah, kan sual sir nak pawl, beidong nak pawl tanta dingah mi tinkim a rak sawm.

A tum zet mi Pathian ih duhdawtnak

          Pope Francis in “Bawi Jesuh hi mangbang cio uh si. Cu lawng ah kan nung sal thei ding” tiah a rak sim. Kan kiangkap ih um hnon a tuar mi le tanta mi pawl cohlang thei dingah mangbangnak thluasuah in in bawm a si.

          Kan nih cun Bawi Jesuh kan duhdawt. Dik lo ih hremnak a tuar tu le hnon a tuar mi kan unau pawl hnenah Bawipa a um.

Pathian ih Fapa a si

          Bawi Jesuh a thih lai a hmu tu Rome ralkap in “Hi pa cu Pathian ih Fapa a si” tiih tong mi in Bawi Jesuh hnen a lungawi thu le a ton dah lo mi duhdawtnak hmuhnak cu a mai mangbangnak a si thu cu a tum zet mi teette a si tiin Pope in a rak sim.

          Bible Cathianghlim sungah Bawi Jesuih mangbangza a huham cahnak pawl le a tuah tuannak pawl cu upat tlak zet mi pawl a rak langsar ter.

          Asinain, Bawi Jesuh in cu pawl cu dai ten um dingih thu a pek thu, ziangahtile Bawipai thawm huham tih zah dingah le upat ding lawng an rak zuam ruangah a si.

          “Pathian in a mah le a mah a langhngan aw ter ih duhdawtnak thawn a uk” ti mi theihthiamnak cu nuam ten a thangso ter.

          Kan nih khal Thinglamtah kehram ah um in, Thinglamtah par ih thah a tuar tu Bawi Jesuh zoh in “Bawipa cu Pathian ih Fapa a si. Bawipa cu kan Pathian a si tiah ti uh si” tiin Pope Francis in sim phah in a thusim a rak cawl.

          Hi thuthang cu Vatican thuthang ih kan ngah mi a si.

https://bit.ly/3u7Yezt