Pope Francis in Mithianghlim Ignatious ih thlengawk nak kum 500 kim hngilh lonak tuah

Pope Francis in Mithianghlim Ignatious ih thlengawk nak kum 500 kim hngilh lonak tuah. May 23, 2021

Leilungpi thleng dingah cerek tumpi

            Pope Francis in a liam zo mi kum 500 lai ah cerek in kap ngah a si ruangah hriamhma a tuar tu St. Ignatius cu Mithianghlim ih nunram lawng si lo in leilung pumpi a thleng tiin a rak sim. Jesuit kaing ihsin a hmaisabik Pope tiin khaisan mi Pope Francis in May 23 ah video ih thu a sim nak ah St. Ignatius ih thlengawknak ih kum 500 a kim kum hngilh lo nak thu a sim."A liam zo mi kum 500 lai ah Pamplona raldoawknak ah St. Ignatius ih leipar ih a tumtah mi pawl rin lo pi in a rak siat. Cu mi ah St. Ignatius cu hriamhma a ngah ter tu cerek cun Mithianghlim nunram lawngah si lo in leilung pumpi khal a thleng ter" tiin Pope in a sim.Thil fate zet khal an thupi theu. St. Ignatius a ngah tu cerek cun a nunram ih tumtah mi pawl a sung ter. Asinain, Pathian hnenah a mah hrangah a tum sawn mi ruahsannak a nei.

            Pope ih thusim mi cu Jesuit kaing ih upa Puithiam Arluro Sosa hleiah leilung pumpi ah tetti a a khan tu pawl thawn St. Ignatius thawn khawm zawh tu pawl thuluu, leilung pumpi thawn pehpar mi thlacamnak program thawn online ah thlah a si. Jesuit  kaing rak din tu St. Ignatius a nauhak lai ah a lar zet mi ralkap can a rak duh. Asinain, 1521, May 20 ah Spain ram, sak lam Pamplona myo a kilhim lai ah cerek in a vorhlam ke ah hriamhma a ngah ruangah ralkap a tuan nak in a cawl. St. Ignatius cu tuamhlawm a siih a dam sal caan ah Thlarau lam thangphok nak a thleng. A mah cu a feh thei sal ih thianghlim mi leiram tiin mi theih mi Jerusalem khuapi ah feh dingin a rak bot cat.

            Montserrat khuapi ih Benedict tlawngah a feh ih a sual nak pawl a sir ih a ral thuam pawl, a naam saupi cu Bawinu lungdawl hmai ah a hlan ih cu mi ai ah kut dawh kawr a rak hruh. Cumihnu kum 1522 March 25 niah Manresa khuapi ah a feh ih thla 11 sung lungkua pakhat ah um in Pathian thu ruat in a um. Cumi hmun thotho ah a hmuh ton mi thlarau lam theih kauh nak ihisn Ignation thlarau lam tuah daan ih a hrampi asimi thlarau lamm ih nundan lam hmuh nak cauk “ The Spiritual Exercise of St.Ignatius of Loyola” a rak ngan.

            Pope Francis in “St.Ignatius hrangah Pathian ih tumtah mi cu St.Ignatius thu lawng a rak si lo. Cumicu minung pawl ih thlarau bom nak a si. Cumi cu farah zonzai mi Bawi Jesuh thawn feh phah in rundam nak pe dingah, leilung pumpi ah feh in rian tuan dingah a tumtah mi a si. St.Ignatius cu Pamplona khuapi ah a thleng aw thok in cutawk hmun ah a cem lo, a cawl lo. St.Ignatius ih nunram tluan ah sunzan Bawi Jesuh thu ruat in thleng awknak vei tampi a ngah” tiin a sim.

            St.Ignatius ih kum 500 kum hngilh lo nak cu May 20 ah Pomplona biakinn ah Missa raithawi nak cu Archbishop Francisco Perez Gonzalez in  tuah in Puithiam Sosa in thuthangtha sim nak a rak nei. Neta tuah dingmi puai cu a ralai ding mi 2022, March 12 cu St.Ignatius Mithianghlim tiin khaisang asinak kum 400 kim puai pi a si ding. Cumi puai cu Rome khuapi ih Gesu biakinn ah Missa raithawinak thawn tuah ding a si. St.Ignatius ni tiin nemhnget nak kum khat cekci a si ruangah a ralai ding mi 2022, July 31 Jesuit kaing dintu St.Ignatius puaini ah St.Ignatius kum cu a cem ding a si.

            Pope ih video thusim nak ah a tuvekin a sim bet. St.Ignatius cu thuk zet in a thleng ter tu tuah daan cu discernment tiin mitampi ih theih a si. Discernment tuahdaan a thok lam ahcun hlawhtling ringring a silo. Asinan lamzin dik par thleng thei dingah thil hip nak thawn thil hawl a sivekin lamzin kha a dik lo tampi a um thei. Mah le mah thiang thlarau Pathian ih lamhmuh nak ih feh ringring nak in Bawi Jesuh hnen in hruai. Mi dang khal Pathian ih duhnak thei thei dingah “hminsin nak pawl” an si. Curuangah midang pawl ih tong mi khal thaten ngai aw.

            Thil tha ruat that aw. Kanmah pawl cu midang hrangah lam hmuh tu pawl kan siih kanmah in Pathian ih lam zin kan hmuh ding. Thlengawk nak hrangah thurelkhawm nak thawn tuah ding. Mi dang thawn, Pathian thawn lawng siloin leilungpi thawn khal relkhawm dingah a tul. Pope in “St.Ignatius thlarau lam tuahdaan cu zingzoi in a thlun tu tinkim St.Ignatius innsang pakhat tiin hmunkhat ten khual tlawng dingah thla ka cam. Cumi theh ah Pathian in St. Ignatius a pek mi himi thlarau lam tuah daan cu midang tampi in hmuh thei ding khalah thla ka cam sak tiin” a sim.

            “Himi St.Ignatius kum ah nan zaten leilung pumpi thleng thei dingah a hman mi thang phok nak ngah thei in Bawi Khrih ah ziang tinkim thil thar tiin hmu the ihram uh tiin ka thinlung ten thluasuah ka lo pek. Mah le mah thiang thlarau Pathian ih thang phok nak bom nak cohlang uh. Curuangah kanmah pawl cu pawlkom, kiangkap ziang tinkim rundam ding a si. Cuti asilole rundam nak ngah a theih lo ding. Zo hman in a danglam an hmuh lo ding. Bawi Jesuh amah lawng kanmah pawl lam in hmuh thei. Himi lam zin cu hmu thei dingin pakhat le pakhat bom aw ding khalah a tul. Hi mi thuthang cu CNA thuthang ih kan ngah mi a si.

Photo crd to google image

https://bit.ly/3vn8PYa