Pope Francis in mithianghlim khaisang dingah Puithiam pakhat, Sister pathum le Pawlpi sungih mimenmen nupi pahnih ret.

Pope Francis in mithianghlim khaisang dingah Puithiam pakhat, Sister pathum le Pawlpi sungih mimenmen nupi pahnih ret.

Pope Francis in kan dung tlawngkai nili ni ah Puithiam pakha, Sister pathum le Pawlpi sungih mimenmen minung pahnih Pathian ih riantuantu an si thu a than ih cu pawl cu Mithianghlim sinak pek dingah pakhat hnu pakhat zawt in zoh fel dingah simnak a rak nei.

Venerable (upat tlak ) ti kawh mi mithianghlim sinak ih a hmaisa bik dinhmun a si ih Bawipai hrangah miral tha ti ih pek mi buaih a si. A tu ah cun an mah pakhat ciar cu mithinghlim dinhmun thleng dingah mangbangza lang nak an tul. An  thuanthu pawl cu

Fr Carlo Crespi Croci (1891- 1982)

Fr Carlo Crespi Croci cu 1900 kum hrawngah St. John Bosco ih Salesian Society ah Puithiam dinhmun in rian rak tuantu a si. Italy ram Legano ah a rak suak ih Ecudor ram Cuenca ah Pathian thuthangtha sim phah in a nunnak a rak cem. Vaticanih an simnak vekin a mai tikcu caan cu Mino pawl hrangah Nikhat ah nazi 17 sung Sualthlah a rak ngaisak tu a si. Cun Botan le Archaeology ah Scientist ah rian a rak tuan phah.

Mother Maria Caterina Flanagan (1892-1942)

          Mother Maria Caterina cu The most holy Saviour Congregation in a si ih  Bridgettines ti khal ih theih a si. Amah cu London ah a suak ih Sweden ram Stockholm ah rian a rak tuan ih Lutheran pawlkom pawl thawn khal thurel tlangnak ah tel. St. Bridget ih ttongkam vekin Pathian thu famkim zet ih thlun theinak thawn le thinlung thiang ih zirhnak pawl ruangah a danglam hlei ce mi nunram a rak hoha theinak a si.

 San Giovanni Battista ih Sister Leonilde cu Sacred Hearts of the Jesuh and Mary, Missionary Sister sungtel pakhat a rak si. Italy ram Lisignano ah a rak suak. Vatican Dicastery for community ih sim thannak in a mai nunram cu mifarah pawl hrang thuzirhnak le riannak in a tik cucaan a rak hmang.  Leitlun Ralpi a veihnihnak laiah farah harsa pawl pek dingah thilri tampi nei lo hman seh a pok suak ngam tu a si.

Sr Maria do Monte Perera (1897-1963)

Sister Maria do Monte Perera cu Portugal ram Funchal in a si ih Hospitaller Sisters of the sacred Heart of Jesus ih riantuan tu sungtel pakhat a si. Anunram cu minaa pawl tuamhlawmnak ah a rak hmang.

Maria Domenica Lazzeri ( 1815-1848)

Maria Domenica Lazzeri cu Italy ram Capriana in Catholic zumtu mimenmen sungin a rak si. Amah cu mifarah pawl, minaa pawl le a damlo mi a nu zohkhentu a rak si. Cun a mah cu a kum 19 in thinlam dam lo bangzet in a rak um ih a kum 33 kim ah a nunnak a rak cem . 1835 ah a kut, a kezaphak le a hnak pawl ah hriamhma a rak ngah ih a luparah hlinglukhuh ih sun mivek hma ih sin tlawngkai ninga tinten thisen a rak luang theu tin Vatican in a tarlang. Amah cu rawl dang ei lo in ihkhun parah thianghlim pumpi (Bawipai thilesa) lawng a rak ei theu.

Theresa Enriquez de Alvarado (1456-1529)

Theresa Enriquez cu Catholic sungih nupi pakhat asi. Hnamsang mi Spanist sungkua in a rak suak ih Castile Siangpahrangbawi nu Isabella ih riantuan tu a si. A mai neih mi hlawnthil pawl cu lainatnak hnatuannak hrangah a rak hmangih farah pawl zohnak le pulhnak lakah hngaktah pawl fimnak a zirhnak ruangah mi thei tam mi a si. Amah in Bawipa thi le Sa upatnak, biaknak a thar in tam vivo dingah rak zuamtu a si. Hi mi thuthang cu Catholic Agency in kan ngah mi a si.

https://bit.ly/40NRyH7