Pope Francis in Mongolia a tlawnnak hrang Bawinu hnenah lungawithu sim.

Pope Francis in Mongolia a tlawnnak hrang Bawinu hnenah lungawithu sim.

          Pope Francis in Mongolia ram ih a Tuukhaal khualtlawnnak sungah Bawinu Mary ih kilhimnak hrangah lungawithu sim dingah St. Mary Major Basilica ah a rak thleng.

          Pope ih Maria Salus Populi Romani ih hlanlai icon ih a tlawnnak ah a Tuukhaal khualtlawnnak ah thlacamnak ca uk pawl a tuah.

          A tlun hlan te ah, Pope cu St. Mary Major Basilica ah Bawinu’i kilhimnak dil dingah a rak feh ih Rome a thlen sal hnu ah Bawinu hnenah lungawithu a rak sim.

          Pope zungpi ih tarlang vek a si le, Rome’s Fiumicino Airport ihsin Vatican ih a thlen sal vekin tlawngkai nikhat ah Basilica ah a rak feh ti a si.

          “Tui sun ah Mongolia ih a Tuukhaal khualtlan theh hnuah a tuah kel vekin, Pope Francis cu the Virgin Salus Populi Romani ih icon hmai ih a rak colhnak, St. Mary Major Basilica ah a rak feh. Cui hnu a khualtlawn theh hnuah Vatican ah a rak thleng sal,” tiin thuthang tarlang vekin theih a si.

          Pope Francis in a duhdawtnak hleice tak ih langsar ter tu ah, hlanlai Roman icon hnuai ih um pulpit par ta pangpar tomkhat a rak ret.

          Mongolia mipi zaten a tlawnnak hrang lungawinak langternak ah, Ulaanbaatar ih um Pope ih vanzam a to hlan te ah Mongolian fala pakhat ih rak pek mi a si.

          Cule Pope in Asia rampi nili sung a rak tlawn sungih a rak hmuhton mi minung tampi hrang a thlacamnak pawl thawn cui laksawng cu Bawinu’i hnenah a rak keng.

          Hi thuthang cu Vatican News ih kan ngah mi a si.