Pope Francis in Pope Benedict XVI cu Pathian hnenah hlan

Pope Francis in Pope Benedict XVI cu Pathian hnenah hlan

          Pope Francis in tlawngkai nili, zinglam, St. Peter tualrawn ih Pope Benedict ih ruakvuinak ih thu a sim nak ah Pope Benedict XVI cu Pathian hnenah a rak hlan. Pope Francis in Thinglamtah parih Bawi Jesuih netabik a tongkam mangsal in, (Lk 23:46) sungta, “Ka Pa, ka thlarau cu na hnenah ka lo hlan” ti mi thawn a thusim a rak thok. Pope in Pawlpi pawlkom pakhat dinhmun in Bawi Jesuih dungthlun dingih kan zuam rero laiah kan nih khal in “a keneh thlun in kan u (Benedict) cu Pathian hnenih apnak a si tiah a rak sim.

          Nunnak cemtu Pope Benedict hrangah zaangfah lainatnak kut pawl in teette a rak khan mi thuthangtha hnenah le kumkhua nunnuamnak a nunram ih hmu thei dingah thla a rak cam. Bawi Jesuh in Pathian hnenih kan thlarau hlan dingah in rak sawm. Pope in hi sawmnak cu thuthangtha phuangtu tinkim ih thinlung sungah caam ter in a um ter ruangah ‘Pathian thangthatnak, Pathian le a miphun hrangah riantuannak, lungawi thusimnak ih suak mi riantuannak’ tiah a rak sim.   

          Hi apawknak cu ‘a mai minung pawl cawm thei dingah dungthluntu pawl ih thamal mi kut ih mah le ma hap aw dingah man cia mi Pathian ih liannak le naihniamnak a langter. La uhla ei uh, la uhla in uh, nan hrangih ka pek  mi ka pumsa cu! Timi (Lk 22:19) sungta thawn pehpar in a rak sim. Pope in thuthangtha phuangtu pakhat in Bawi Jesuih dung a thlun tikah ‘a hmuh ton mi harsatnak pawl le donkhamtu pawl lakin phorhsuak in thianghlim ten ret mi ‘thlacam ih apnak’ a tul tiin Pope in a rak sim.

          “Zirhtu saya vekin, Tuukhaal pakhat cu a tuahsak ding mi tuanvo le a minung pawl hrialculh ding cu a tuanvo a si. A hleice in thatnak ngah dingah a zuam ih kan unau pawl ih sinak hringhro rero mi dinhmun vek ah an tong theu’ tiah Pope Francis in a rak sim.“Zirhtu saya cun a mah le mah hlan aw in thlacamnak le sunsaknak ah mah le mah thukam awk a tul ih Mithianghlim Gregory the Great in a mah bawm dingah thlarau lam ih raithawinak ih bawm dingin a rualpi pakhat a rak sawm vekin hlan awk a tul.

          Pawlpi sungtel pawl in Pope Benedict XVI mangsalnak ah Pope Francis in khat le khat sawmdawl aw dingah thlacamnak ih thupit zia a rak langsar ter. “Pathian ih a rinsan mi mipi pawl, hi tawk ah tongkhawm aw in zirht u saya ih nunram cu Pathian hnenah ap cio uhsi. Kum tampi sungih in rak pek mi fimnak, zawnruahnak cu ‘Ka Pa, a thlarau cu na hnenah kan lo hlan” tiin Pope Francis in a rak sim.

          Pope in ‘mopa ih rinsan mi a rualpi, Benedict, na lungnomnak cu a aw na theih veten a tu le kumkhua in kim hram seh” tiah thla a rak cam. Theage.com.au, vek a si le, Pope Emeritus Benedict XVI ih ruakvuinak Missa Sumnak ah, Cardinal 120, Bishop 400, Puithiam 4000 hrawng le mipi 100,000 hrawng an rak tel ti a si.

          Hi thuthang cu RVA thuthang ih kan ngah mi a si.

https://bit.ly/3Cz6krh