Pope Francis in Pope in a cawl zo tu Benedict ih pekawk nak hrang lungawi. June 29, 2021

Pope Francis in Pope in a cawl zo tu Benedict ih pekawk nak hrang lungawi.

June 29, 2021

            Kan dung tlawngkai ni hnih cu Pope in a cawl zo tu Benedict 16 ih Pathian hna a tuan nak kum 70 kim ni a si. Cuini ah Pope Francis in "a tuvekih ni sunglawi cu kan zate ih thinlung a nuam ter. Kan pa, kan u khal asi mi duhdawt zet mi Pope Benedict, kan duhdawtnak, kan lungawi nak pawl cu tuini vekin sunglawi niah nangmah thawn naite ah kan um ding" tiin zarhpi ni a si lo nan St.Peter le St.Paul tei ih puaini asiih sunlai Angelus thlacam nak cu Pope Francis thawn cam tlang dingah St.Peter tual ah a thleng tu khawmzawh pawl hnen Pope in a sim.

            Cuihnuah khawmzawh pawl hnen Pope Benedict a um nak cu Vatican hmuan sungah daite ih thlacam nak hmun tiin thleng dingah asi thu, cutilawngah cutawk ih a um tu pawl Kohhran hrangah ahleice in thla an cam sak ding thu, Pope Benedict cu a tu caan ah cui caanserh a rak thok rero tu a si.

            Pope Benedict cu a thlacam caan ah Nu Pawlpi hrangah, Rome Kohhran hrangah thla a cam sak. Ziangruangahtile a mah cu Rome Diocese ih Bishop a cawl zo tu khal a si. Cumi hrang khalah kan lungawi. Zohthim tlak na nun tu zia pawl in hmuh ruang khalah kan lungawi. Pathian thu lawng a ruat tu na hmuh tonmi pawl hrangah kan lungawi tiin a sim. Himi thuthang cu Vatican thuthang ihsin kan don mi a si.

https://bit.ly/3w462CD