Pope Francis in Pope thawn pehpar in ca suah thar pakhat cu Oct 3 ni, Assisi khuapi ah lethmat a tthu ding. September 05, 2020

Pope Francis in Pope thawn pehpar in ca suah thar pakhat cu Oct 3 ni, Assisi khuapi ah lethmat a tthu ding. September 05, 2020

          Hmaithla Oct nithum ni ah Pope Francis in Assisi khuapi ah dungthluntu hnatuan thawn pehpar in khual a tlawng ding thu khal Zarhte ni ah an rak than. Cui ca cu “Unau pawl zaten” tiah hmin an pek.

          Ca suah ih a thupi bik in a hmuh mi thu cu unau pawl le nunphung nel awk ter nak thu pawl a si. Italu tong thawn hmaisa ah an suah ko ding nain mirang tong in cu a remcang hrih lo.

Hi ca cu St. Francis Assisi ih nunram pawl ngan in nun sim tu “Unau pawl, mai tuu pawl rundamnak hrangah Thinglamtah a rak phur tu Tuukhaal tu cu ruat tlang uh si,” ti mi catlang thawn a pehpar aw.

          Pope Francis cu Assisi khuapi ah sun ah a thleng dingih St. Francis Assisi ih thlaan ah Missa raithawinak a tuah ding. Cui hnu ah ca thar lethmat thu nak programme tuah a si ding. Hi a thlen nak cu kawhhranpi pawl tel lo in a dang ten Pathian biak nak lawng a si.

          Assisi khuapi ih Bishop Domenico Sorrentino in Pope khual a tlawn nak ding programme hrangah thinlung tha  a thawh ter vek in an lungawi thu, leitlungpi in Coronavirus nat sia a tuar ih  mi tampi nat sia an tuar caan ah unau pawl ih nat nak cu kan nat nak ih a can ter thu, kan mah dinhmun in ziang hman kan bawm thei lo khal le duhdawtnak ah unau pawl kan si thu, tu vek in Pope Francis ih tlawn nak ding cu pulh nat ruangah a remcang lo vek nain unau thinlung thawn kom salnak parah thazaang thar kan ngah tiah a sim bet.

           A tui Pope thawn a pehpar aw mi ca suak thar cu Nu Pawlpi ih thu zirh thei nak aanaa par ah thupi ah ret in a rak ngan. Pope Francis in Pope ih hril nak a rak ngah nak 2013, March 13, zaanlam ah leilungpi cu “unau pawl” tiin a rak ko ih cibai a rak buk dah. Pope Francis in Lampedusa ih um mivai pawl hnenih a feh caan ah khal an mah pawl cu unau vek ah ruat in a rak pom. Kum 2019 kum Abudaba ah lethmat a rak thut mi “suakkhat unau” tiih hmin nei tu ca cu Pope Francis in unau thinglung thanglian ter dingih tha petu ah a nemhnget.Himi thuthang cu Sep 5, 2020 Vatican thuthang ihsin kan ngah mi ka run phuang suah mi a si.

 https://www.youtube.com/watch?v=7I8AXOO6ang