Pope Francis in pulhnat ruangah a tuar rero mi innsungsang pawl tha pe in hnemnak pek December 27, 2021

Pope Francis in pulhnat ruangah a tuar rero mi innsungsang pawl tha pe in hnemnak pek

December 27, 2021

          Thianghlim innsungsang puai ni ah Pope Francis in Christmas theh hnu nikhat rei ah thitumnak a nei mi pawl hrangah ca pakhat a rak suah. Hi ca cu nei aw zo mi innsang pawl hrangah nel awknak hminsinnak, Pathian ih thatnak le tangdornak cu Pa vek a si mi kut thawn mai innsang lam thatnak lamtluan ah a feh rero mi kekar cu Pathian in lam in hruai ti ruah dingah a thupi.

          Hi pulhnat in nupa khat le khat karlak thinsau dingah le khat le khat ngai sak thiam dingah thlacam dingin pehtlaih awknak rem sal nak ding caantha pakhat a si ti hi ca in a langter. Innsang pakhat cu khat le khat theih thiam awk ding, khat le khat ngai sak awk ding, khualtlawng tlang dingah buainak cu nitin ih hniksaknak pakhat a si ih a dik mi thinlung, a tlaitluang ih tuah nak pawl le mai pehtlaih awknak ah thil nepnawi ihsin thok in sunsak nak thawn pahsuak a theih tiah Pope in a sim.

          Pope in innsang pawl buainak pawl pahsuak dingah, duhdawt aw dingah le an mai innsang pawl ngaithiam thei dingah a forhfial. A hleice in zaangfah ten, ka lungawi, in ngaithiam aw maw ti vek tongkam pathum ih man upat in langter dingah khat le khat hmang dingah a forhfial. Cui hlei ah khat le khat hrangah mai fa le pawl hrangah le Pawlpi hrangah mai kawhnak ngahnak dinhmunah thatho zet ih nung dingah khal a forhfial bet.

          Hi ca cu Rome khuapi ah a ralai ding mi thaal caan ah innsungsang tonkhawmawknak puai thawn a cem ding mi Amoris Laetitia Family Year sungah kuat mi a si. Hi thuthang cu Rome Reports thuthang ih kan ngah mi a si.

RVA Falam Service

https://bit.ly/3sFXcgx