Pope Francis in ramtin miharsa pawl ni cu mi harsa taktak minung 500 thawn a tuah ding

Pope Francis in ramtin miharsa pawl ni cu mi harsa taktak minung 500 thawn a tuah ding

            Pope Francis will celebrate World Day of the poor with 500 people in need. Aralai dingmi November 12 cu ramtin mi harsa pawl ni asiih, cuini cu Pope Francis in mi harsa taktak mipum 500 thawn Assisi khuapi ah a tuah ding. Cuini khal Pope Francis in kan dung kum 5 hrawngin rak tuah mi a si. Tuikum ah cuini cu November 14 ni a ciah. Pope Francis,  mi harsa pawl thawn November 12 ah an tong aw dingih cumi tonawk hnu ni 2 a rei ah tuah a si ding. Tuikum ih thuluu cu "mi harsa pawl nan hnenah ka um ringring" timi St. Marku ih Gospel ca sungta a si. Pope Francis mi harsa pawl a ton nak cu September thla ah a si. September ah Mother Theresa Sister pawl tiih mi theih tam mi "zangfah lainat nak Sister" pawlkom ih phuan mi mi harsa pawl kilkhawinak ah a feh.

            Pathian kan hmuh thei asi khalle hmuh thei lo asi khalle kan kiang ah a um ringring. Kan nunram ah kan hnen ah a um. Himi thu hngilh hlah. Ahleice in harsatnak ton caan ah himi thu ruat in thazang la aw. Pope cu Europe ih um mi miharsa  pawl a tong ding. An thu ruah mi a ngai sak ding. Anmah pawl tik cu pe in thla a cam ding. Assisi khuapi ih tuikum a feh nak cu vei 5 nak a si. Netabik Assisi ih a feh caan cu October 3, 2020 "Fratelli tutti" tiih hmin pek mi capi lethmatthu dingah a feh nak a si. Tuikum program a timtuah tu pawlkom cu France ram ih "Fratello" pawlkom a si. Fratello cu Italy tong asiih "ulenau pawl" ti mi san a nei. Himi program cu mi farah pawl thuhla pawl tawlrel sak tu a siih, leitlun killi ah a um. Tuikum hrangah ramtin mi harsa pawl niah anmah kilkhawi tu pawl lakah hmuntinkim ih mipum 15 hrawng Pope thawn an tong aw ding.

Photo courtesy of National Catholic Register

https://bit.ly/3C3OTNm