Pope Francis in September thla ah Luxembourg le Belgium ah Tuukhal khual tlawnnak nei ding. (May 20,2024)

Pope Francis in September thla ah Luxembourg le Belgium ah Tuukhal khual tlawnnak nei ding. (May 20,2024)

Pope Francis cu Luxemboug la Belgium ah September 26-29 tiang a tlawn ding thu the Holy See Press Office in a tarlang.

Pope Francis cu 2024 September cemlam ah Luxemboug le Belgium ah a Tuukhal khualtlawnnak a neih ding thu Holy Press Office in tlawngkai nikhat ni, May 20 ni ah a rak than.

Pope Francis in Ram ih upa pawl le Christian biakinn lam ih thuneitu pawl ih sawmnak a rak  cohlang ih September 26 ah Luxemboug ah a Tuukhal khual tlawnnak a thok ding a si.

Cumi theh ah Belguim ah a feh dingih Brussels' Leuven le Louvain-la-Neuve khuapi ih feh dingah tumtahnak a nei ih September 29 ni tiang cuihmunah a um ding. A Tuukhal tlawnnak ih a caan hman ding daan nepnawi  pawl cu neta deuh than a si ding tiah an sim.

September thla thar ni 2-13 tiang cu indonasia, Papua New Guinea, Timor Leste le Singapore ah a feh dingih hi mi cu a Tuukhal  khual tlawn nak ah a sau bik mi khal a si tiah vatican thuthang in a tarlang. Hi thuthang cu Vatican thuthang ih kan don mi a si. RVA Falam Service thuthang a ngaitu le a siartu zate parah Pathian thlasuahnak um hram seh.