Pope Francis in sumpai lam buainak a tong tu Catholic siizung pawl hrangah sumpai bawmnak nei October 6, 2021

Pope Francis in sumpai lam buainak a tong tu Catholic siizung pawl hrangah sumpai bawmnak nei

October 6, 2021

              Pope Francis cu sumpai bomnak pakhat a than timi cu Vatican thuthang ah October 6 ah a rak sim. Cui thuthan cu September 29 ni an khen. Cui thuthan mi ah Pope Francis cu Catholic harhdamnak program hrangah sumpai thoh dingah an lungkim thu a sim.

              Cui pawlkom cu Italy cu "Fondazione per la Sanita Cattolica" Catholic harhdamnak kilhim tu pawlkom tiin mi in an thei tam. Himi thuthan nakah Catholic harhdamnak zung pawl cu Vatican ihsin lam hmuh mi pawl an dil vekin fiangfai ter dingah asithu an sim. Hitivekih tuahnak cu Catholic harhdamnak zung pawl ah sumpai lam buainak pawl tonnak felfai ter dingah Pope in ke a kar nak a si thu, ziangruangahtile ton mi harsat nak pawl ruangah cawl theih asi lo ruangah cawl phah, zuar phah cutivek pawl a um ruangah a si tiin an sim.

              Thuthan nakah a tu a thar din mi sumpai thoh nak cu Vatican zung kha thuneih nak an hlan ih, an lam hmuh mi vekin tuah ding a si. Cutivekin Vatican ih neih mi tiin khal siseh, sumpai lam khal in siseh cazin sung ah a um ding thu, himi sumpai thoh nakih hnatuan daan pawl cu harhdam nak hnatuan pawl, sumpai feh daan pawl thawn pehpar aw in check fel nak khuan an neih thu, himi sumpai thoh nak thar din nak thawn hnatuan tu pawlkom pawl khal a thar din sal nak khal Pope in a lung kim.

              Vatican ihsin khal cu mi a thar din mi sumpai thohnakih hnatuannak pawlkom sungtel thar pawl ih cazin khal an than. Cumi pawlkom ih president tiin Bishop Nuzio Galantino an ret ih, pawlkom ih secretary tiin Fabio Gasperini an ret thu October 6 ah an than. Himi hnatuan nak pawlkom sungih a tel tu siibawi pawl cu Mariella Enoc asiih, Rome khapi ih Bambino Gesu naute pawl a tuamhlawm tu siizung ih President, Sergio Alfieri Pope pawl ih harhdam nak tuanvo la in tuamhlawm sak tu "Gemelli ih mi khuai tu siibawi, June thal ah Pope Francis khal a khuai tu siibawi khal a si.

              A thar din mi sumpai thohsuahnak cu Catholic Pawlpi ih hoha mi harhdam nak hnatuan pawl a bawm ding. An rem sal ding. Catholic pawl ih hoha mi harhdamnak hnatuan tu zung pawl dinhmun in sumpai lam harsat nak ton asinan zamrang zet ih colh nak, zuar nak pawl tuah lo ding khalah an kham thu, cutivekin harhdamnak kilkhawi nak cu milian pawl hrangah asiih, sumpai lam ti thei lo le tuamhlawm lo ding tivek ruahnak, hmuh nak khal pial duh ruangah dind dingah thu bot cat nak a si tiin Bishop Galantino in Vatican thuthang ah a sim.

              Pope dinhmun in atuvekih dinnak cu amah rori siizungah tuamhlawm asi hnu a hmuhton mi pawl an relkhawm nak dinhmun pawl ah bun aw in siizung ihsin Angelus thlacamnak cam theh mipi hnen siizung ka um hnu tuamhlawm ka si laiah dam dingah zing tluk a thu pi, harhdam nak kilkhawi nak cu Italy ah siseh, a dang ram pawl khalah a thu pi tuk. A lak ih tuamhlawm nak thawn man a nei mi tuamhlawm nak khal a thu pi. Mi tinkim khal kilkhawi ding. Himi thil tha cu hlo ter lo ding. Kohhran sung khalah veikhat veihnih ah harhdamnak lam tuamhlawm tu pawlkom pawl cu tuah tuan nak a that lo ruangah zumnak thawn tuamhlawmnak a la tu an mal. Tuamhlawmnak a mal ih sumpai khal a mal. Cutikah hnatuan pek mi mifim, mithiam kha paisa pe dingah harsat nak an tong. Cutikah a dang hril ding um loin hnatuan nak zaten colh a si. Inn pawl zuar theh ding ah thinlung ah a um. Kohhran sungah Pathian kawhnak cu sumpai thoh nak hrangah asilo. Hnatuan ih cawm awk timi cu a lak a si. Himi hngilh hlah tiin Pope Francis in a sim. Himi thuthang cu CNA thuthang ihsin kan don mi a si.

https://bit.ly/30oGGp5