Pope Francis in Taize mino pawla hnen hnemnak ca kuat

Pope Francis in Taize mino pawla hnen hnemnak ca kuat

          France ram, Turin ih Taize mino pawlkom ih hoha mi Europe mino pawl ih an hngahhlap zet mi mino pawl tonawkkhawmnak cu July thla ih tuah dingah timtuah mi a si ko nan covid 19 pulhnat ruangah tui thurelkhawmnak an thawn sal thu theih a si. Pope Francis khal online thurelkhawmnak ihsin mino pawl hnenah a ruahnak le thlacamnak ah a um tlamg thu cibai buuknak tongkam thawn a rak cah tiin Cardinal in a rak sim. Cardinal Parolin khal in mino pawl hnenah ‘sumnak ah beidong men lo in harsa zet mi dinhmun ah thusuhawk rero hnak in Pathian ih tongkam ngai dingah a rak forhfial.

          Cardinal Parolin in mino pawl thawn kan um tlang a si le Thiang Thlarau Pathian kan hnenah a tum tiah a rak sim ih tui san ah Catholic Pawlpi ih tuah mi conference ah kan mah pakhat le pakhat ziang tluk kan tul aw ti hawl dingah Thiang Thlarau Pathian ko dingah zuam a tul tiin mino pawl a rak sim bet. Netabik ah Cardinal in mino pawl hnenah harsatnak a tuar tu pawl thawn le nasa zet mi pulhnat thupi dinhmun pawl pahsuak dingih hrilnak thawn an mah tel in simfiang dingah caantha pe dingin Cardinal in Taize mino pawl a rak sim.

          Thin a phang zet nan kan mah lawng unau vek ih kan um a si ahcun Thiang Thlarau Pathian in ziang tik hman ih a hnatuan a cawlh lo ding thu a rak sim. A cemnak ah Bawinu Maria ih humhimnak thawngin Thiang Thlarau Pathian in thlasuah lo pe hram seh tiah tip hah in thurelkhawmnak ih a tel tu pawl zaten netnak thla a rak cam sak.

          Hi thuthang cu RVA thuthang ih kan ngah mi a si.

https ://bit.ly/32GQZGn