Pope Francis in thianghlim tlawngkai nili ah juvenile ih thawngtla pawl ke kholh ding

pope_in_thawngtla_pawl_ke_kholh_sak_ding

Pope Francis in thianghlim tlawngkai nili ah juvenile ih thawngtla pawl ke kholh ding

          A dam lo nak an tuamhlawm nak Gemelli siizung ihsin a suah hnu ah Pope Francis cu Casal del Marmo ih thawng inn ah thianghlim tlawngkai nili Missa raithawi nak a tuah dingih an ke a kholh sak ding. Rampi in kan dung tlawngkai nithumih rinlopi ih siizung a umnak ruangah an thin phang. Zan thum a um hnu zarhte ni ah siizung in a suak ih siizung hmai ah thuthang la tu pawl in a dam lai tiin hnihsuah sai in an ti.

          Vatican ih a kir hnu ah St. Peter tual ah Palm Sunday a hoha. Thuthangtha  a sim nak ah aw men zet in ziangvek dinhmun kan thleng khal le kanmah ah Bawi Jesuh kan hmu thei tiin a sim. Pope a tuan sung siseh Bishop a rak si lai ah Francis cu amai tuah daan kel vekin thianghlim tlawngkai nili Missa cu thawng tla pawl thawn a tuah theu.

          Casal del Marmo thawng inn cu 2013 Rome ih Pope tiih an hril hnu ni 15 nak ah a hmaisabik thianghlim tlawngkai nili a hman nak a si. Rome  leng ah cun Vatican thawn peng 11 a hlat nak Casal del Marmo mipa le nunau umnak ah a tuah.

2013 ah Pope in thawngtla 12 ih ke a khoh ih nunau 2 le mipa 10 ke a kholh sak. Himi nan ke ka khoh nak san cu nan rian tuan tu ka si tinak a si tiin 2013 Missa a sum nak ih a tel tu pawl hnen a sim. Kannih khal kan si asinan nitin ten ke kholh sak awk a tul lo a san cu pakhat le pakaht kan bawm aw a tul ti nak a si.

          2022 ah Pope cu rome ih nitlak nak thlanglam peng 50 a hlat nak port khuapi ih Civitavecchia thawnginn ah thianghlim tlawngkai nili Missa a rak tuah. Kan dung zarh ah a dam lo nak ruangah siizung ah a um nan Pope cu Holy Week sung ih a tuah ding mi pawl a hoha thluh ding. Himi thuthang cu CNA thuthang ihsin kan don mi a si.

https://bit.ly/3KjKPhw

Add new comment

2 + 3 =