Pope Francis in Thianghlim tlawngkai nili zan ah Pathian in mi ngaidam dingah ziangtik hmanah a bang lo tiah sim. (March 28, 2024)

Pope Francis in Thianghlim tlawngkai nili zan ah Pathian in mi ngaidam dingah ziangtik hmanah a bang lo tiah sim. (March 28, 2024)

Thawnginn sungah Bawipai, netabik zaanriah einak puai Missa sumnak cu Pope in zanlamah a rak tuah. Rome khuapi ih um Rebibbia ih nunau Thawnginnah a rak tuah.

Thawnginn kiangkap ih a thlengtu mi tampi Thawngtla pawl, Thawnginn kiltu pawl, Christian pawl le thu neitu pawl ih ke kholhnak a rak nei.

Jesuh in a dungthlun tu pawl ih ke a kholh lai le netabik zanriah an ei lai khal ah amah le a mah tangdornak thawn a rak tuah tiah Pope in arak sim.

Hi ti a tuahnak cu Pope Francis in kei cu mi rian dingah ka ra lo, mi riantu ah ka ra ti a ti duh san, in thei thiam ter tiah a rak sim. Cui tangdornak ti dan pawl cu Pope in  mi rian ding daan in zirh tiah a sim bet. Cui hnuah Pope Francis in duhhamnak le mai zawn lawng ruahnak ruangah Judas in Bawipa Jesuh a rak phat san. Judah ih thuanthu ah Pope in kan sualnak pawl cu Pathian in in ngaithiam thu a langter ih mi kan ngai thaim ding kha a dil mi a si tiah sim.

A ngaingai ah cun Bawi Jesuh cu mi ngaidam dingah ziangtik lai hmanah a bang dah lo ih a khul a fung dah lo. Kan mah zate ah kan nunnak ah tlaksiatnak a tum le a te in kan nei cio, zo khal in kan nunnak ah thuanthu kan nei. Asinan kan Bawipa in ngaidam dingah in hngak ringringih a kut za in zap a si tiah a sim. Thuthangtha sim theh hnuah Pope in miphun dang a si mi nunau Thawngtla pawl ke a rak kholh sak.

Hi mi cu nunau Thawnginn ih a veihnihnak an ke a kholhsak nak a si. Kum 2015 kum ah a hmaisabik a rak feh ih Thawngtla mipa le nunau minug 12 ih ke a rak kholh sak a si. Hi thuthangtha cu Vatican thuthang ih a tawizawngin kan leh mi a si.