Pope Francis in thlanglam Africa hrang a sehreh thu a sim July 19, 2021

Pope Francis in thlanglam Africa hrang a sehreh thu a sim

July 19, 2021

          Kum 25 sungah nasa zet in duhphorhnak a rak cang nak Africa thlanglam hrangah Pope Francis in thla a rak cam sak. Rin lo pi in thlanglam Africa continent ih kan unau pawl ih thih le hloh nak thu ka rak thei.Ram in sumdannak le pulhnat ruangah harsatnak a tong rero. Hi duhphorhnak ah mipum 215 hrawng in an nunnak an rak hlan zo. Duhphorhnak cu July 8, tlawngkai nili ni ah an rak thok. Duhphorhnak tuahtu pawl in lamzin pawl an kham ih kaih a tuar mi an President, Jacob Zuma thlah sak dingah an dil. President cu nuncan ziaza siat nak thawn mawhpuh a tuar ko nan thil dik lo thawn kaih a tuar thu a el rero.

          Duhphorh nakih hotu pawl cu Jacob Zuma lungkim pi tu pawl an si. Duhphorhnak a tuah tu pawl in thudik le pulhnat sia ruangah nunphung, sumdawnnak harsatnak pawl khal an rak sim. Pope Francis in ram ih Catholic pawlkom pawl thawn kom aw in ramkhel hotu pawl a thinlung te ah cohlang in zaangfah a dil duh mi cu thu nei tu pawl thawn kom aw in bawm a tul mi pawl bawm phah in remdaihnak thawn tuah tlang dingah a si. Cu tawk hmun ih Catholic Bishop pawl khal in a langsar zet mi sualnak namneh duh ah hi ti vek in a tunghmun lo nak cu caantha ih lak nak an lungkim lo ih mipi pawl khal ramkhel tumtahnak pakhat hrangh lawng ruat lo in mipi pawl ih nunnak, inn le hlawnthil pawl kilhimnak khal ruat sak dingah an rak forhfial.

          Cu vek in acozah ih tuah mi le sumdawnnak pawl ah cin le daan thawn kaih lo ih tuahnak pawl khal an rak phorksuak. Ziang vek in sim khal sehla July 8 ni ih rak thawh mi duhphorhnak pawl a cang rero ko nan besia zet in a cannak cu tha  zia vivo thlang.Thlanglam Africa continent ih mipi pawl ih an tul mi cu nauhak pawl karlak ah remawk nak ngah sal nak hngilh lo in hmainor ding a si thu a rak sim.

          Hi thuthang cu Rome Reports thuthang ih kan ngah mi a si.

Photo courtesy of Agenzia Fides

https://bit.ly/36UKXRb