Pope Francis in "thudik le ulenau taktak thinlung thanglian ter tu ding leilungpi din dingah tuan uh" tiin ram dang pehtlai tu palai pawl hnen a sim. December 4, 2020

Pope Francis in "thudik le ulenau taktak thinlung thanglian ter tu ding leilungpi din dingah tuan uh" tiin ram dang pehtlai tu palai pawl hnen a sim.

December 4, 2020

         Pope cu kan dung tlawngkai ni nga niih Vatican ih retcia mi hmunih a um lo mi ram dang pehtlai tu ram palai pawl thawn an tong aw. Cui ram pawl cu Jordan, Kazakhstan, Zambia, Mauritania, Uzbekistan, Madagascar, Estonia, Rwanda, Denmark le India ram pawl an si. Tuini tiang Vatican thawn pehtlai awknak a nei mi leitlun ram 183 an um. Pulh nat pi ih hrinhro nak parah ram palai thar pawl cu an tuanvo a fek ih a har mi suanawk nak a natsat caanah an tuanthok nak a si thu, covid-19 hlan ihsin 2020 cu minung pawl hrangah a harsa zetmi kumpi pakhat asi ding. Ziangruangahtile leilung pi ih then tampi ah buaibai nak pawl, tuah mawh awknak pawl, ruahnak luantuk pawl ih thilti siat nak ruangah a si tiin sim cia nak an suah zo a si.

         Sumdawn nak buai nak cu in ei har nak le a burbur in mai um nak tan in vaih nak a cang ter. Cutivek thotho in leitlun pi tikcucaan a sat vivonak cu a mah ten a cang mi kiangkap siat nak cang dingah, in le ei har nak le vanruah ti kaan nak cang dingah a cang ter thei. Tui kum March thla 27 ih tuah mi a dang lam mi laksawng pek nak puai thawn pehpar in Pope in a cang rero mi buai nak pawl in kanmah pawl theih nak in neih ter nak cu kanmah pawl khal long pakhat to, khual tlawng tlang mi pawl kan si thu, kan zaten khal a na ol mi pawl kan si thu, hmun hnget lo kan si lam  in theih ter thu, asinan a thupi ih a tul thu, kan zaten hmun khat ah long hlau tlang ding kan si thu, khat le khat hnem aw dingah a tul thu, covid-19 nat hrik cu a bang aw lomi kanmah pawl ih pawlkom pakhat a siat ter deudeuh thu, farah harsa mi kiangkap sungin kan ulenau pawl, hngilh a tuar tu pawl, hnon a tuar tu pawl, rualpi nei lo pawl cu himi nat hi an tuar hleice. Lungrualten bawm aw cio uh.

         Tui san ah a hlan san pawl hnak in leilungpi ah felfai nak le upat nak thawn thurelkhawm dingah, bawm aw dingah Pope in a forhfial. Hitivekih komawk nak in kan leilung pi, hmailamsan thar pawl tih ter in a him lo mi dinhmun pawl felfai ter dingah a si. Pope khal tu baite ih ca a suah mi Fratelli tutti (ulenau pawl) tiih hmin pek mi capi thawn pehpar in "a tui caan ah kanmahpawl cu minung pakhat ciar ih sinak kha theih thiam sak in leilungpi ah ulenau thinlung nun ter sal a tul. Vatican dinhmun in leitlun pawlkom sung a  um nak cu zate hrangah hman ding asi. Cutiin minung thawn pehpar aw mi thuhla, nunphung le biaknak lam hmuh daan pawlin a suak mi mipakhat ciar, minung pawl, ram pawl nat nak a cang ter tu pawl thaten ruat in tuah dingah a si. Pope in mai ram aiawh in a thleng tu ram upa pawl ton nak cu kilhim dingah a ruah san thu, ziangruangahtile ram tin pawlkom ih dil mi pawl tuah taktak dingah a bang awk lo nak, bang awk lo nak lan dingah a tul thu, kanmah pakhat ciar cu thudik, a lung rual mi leilungpi din dingah sawm kan si thu sim in a thu sim a cem ter. Himi thuthang cu Vatican thuthang ihsin kan ngah mi a si.

https://bit.ly/3mWLb0u