Pope Francis in thuthangsimtu (thuthang latu) pawl hnenah thinlung takin thusim dingah a forhfial.

Pope Francis in thuthangsimtu (thuthang latu) pawl hnenah thinlung takin thusim dingah a forhfial.

          Pope Francis in January 24 avei 57 leitlun huap social communication ni ah raldo nak pawl cawl ter dingah thinlung takin thusim dingah a rak forhfial. Kan dung kum ih thuluu cu "thinlung tak in thungainak" tiin Pope in a sim ih ahleice ih thupi ih ka ret duh mi cu "thinlung takin thuthangrel dingah a si. Fehdingah, hmu dingah le thungai dingah in forh tu asiih, pehtlaihawknak sangka ong in feh dingah in forh tu a si" tiin a sim.

          Thuthangla tu pawl kilkhawi tu St.Francis de Sales puaini ih Pope ih a sim mi cu "thinlung takin thusim dingah a si" tiin Rome ih St.John Lateran ah a sim. Catholic Pawlpi in leitlun social communication ni ah pentecost thlen hlan zarhpi ah tuah kel asiih tuikum ah leitlun killi ah May 21 ah tuah a si ding.

          Pope in thuthangphuang tu pawl hnenah thinlung takin thusim dingah a forhih cuasilole huatawknak thawn pehtlaih nak in huat awk nak le ral a cang ter tiin a sim. Bawi Jesuh Emmaus feh nak lamzin ah a dungthluntu pawl hnenah duhdawtnak thawn thu a simih, amah an hrem nak ding thu khal a sim mi Pope in von ruat in a sim.

          Thuphuang tu pawl hnen lawngah siloin pehtlaih nak a nei tu hmuahhmuah hnenah thinlung kau pi ong dingah, hlanlai ihsin thentheknak le khat le khat engtai nak in kohhran a hnget ter lo tiin a sim. Pope in thuthangla tu pawl kilkhawi tu Mithianghlim Francis de sales a sunloih ih mi hmuahhmuah hnen thinsau le minung covo pawl parah rintlak si dingin thuthangla tu pawl a hlan.

          Pope Francis in pehtlaih nak timi cu thlarau lam langsar ter nak le St.Francis de sales ih duhdawtnak lang ter tu asi tiin a sim. Pope in "thinlung takih thusimnak cu nunphung remdaihnak ih ahleice a tul mi asiih, khat le khat karlak ah thurel tlang nak le thurel khawmnak pawl a nei ter thei.

          "Ral awknak um lomi pehtlaih awknak tuah dingah" a forhfial. Pope Francis in raldo nak tam vivo nak in minung covo ah tihnak a um ter ih a cang thei tawkin cawl ter in pehtlaih nak pawl khal thang ter ding, ziangruangahtile tongkam in tuahmawhnak pawl a thleng thei tiin a sim bet.

          "Thurelkhawmnak tuah thei tu, hriamhrei kaihnak cawl ter thei tu, dodawknak pawl tuah lo dingin kan thinlung ih um thei dingin tuah thei tu pehtlaih tu kan tul. Huatawknak tongkam cawl dingah, thutha tha ten hmang thiam dingah a sim. Khat le khat thureltlang dingah tha a pek.

          Pope Francis in thuthanglatu pawl le pehtlaih nak tuah tu pawl hrang thla a cam sak ih, kan thinlung duh mi thaten ngaiin, ulenau vekin khat le khat kilkhawi aw thiam dingah thla a cam sak. Himi thuthang cu RVA thuthang ihsin kan donmi a si.   

https://bit.ly/3XELrUh