Pope Francis tuukhal khual tlawn nak a theh hnu Slovakia ram ihsin Rome khuapi ih a tlun nak vanzam par ih thuthang la tu pawl ih thusuh mi a san nak pawl September 15, 2021

Pope Francis tuukhal khual tlawn nak a theh hnu Slovakia ram ihsin Rome khuapi ih a tlun nak vanzam par ih thuthang la tu pawl ih thusuh mi a san nak pawl

September 15, 2021

            Thuthang latu pawl cu Pope hnen thusuh nak 6 an sut. Ahleice ih a sim mi cu nau thlak nak le Bawi Jesuh Thi le Sa san nak thu a si. Nauvon tu nu cu a thisen fa, taksa pawl a hmuh hlan ihsin nauvon zo ti theih a si. Nauvon nak cu minung nunram thangso caan a si. A upat ding. A kilkhawi ding. Himi thu cu a fiang zet. A hman. A dik. Buai nak pakhat felfai ter dingah minung nunnak thah hi a dik maw?

          Europe paliman pawl ah nulenu, palepa kutsih nak theih pi ve dingah Europe ram pawl ah lungkim pi nak nei dingah passport thawn pehpar in thusuh nak cu kutsih nak cu mipa le nunau karlak ih din mi Saramentu (Pathian amai a din mi a Thianghlim mi thil) a si. Catholic Pawlpi dinhmun in cun a thleng thei lo. Mipa le nunau ruah nak a bang aw lo mi theih thiam pi nak, daan a um. Cui daan cu Kohhran pi ih kutsih nak lam ih zirh mi a hringhro thei lo. Asinan kutsih nak cu kutsih nak a si. Hitivek ih a sim nak cu nulepa ruah nak bang lo tu pawl thu botcat sak duh ruangah a silo.

          Anmah pawl cu kan ulenau pawl an si. Anmah pawl hnong lo ding. Pope cu Frances PACS daan khal a sim bet. Cui daan cu kum kim zo pawl in mai nulepa sinak vekin an um tlang thei thu cu on a si nan an komawk nak cu kutsih nak Saramentu a silo. Zaten ka upat. Asinan Nu Pawlpi kha Pathian ih zirh mi hnong ding in tuah hlah uh. Nulenu, palepa thinlung ruahnak um pawl tampi khal sual ngaithiam nak Saramentu an la. Cutiin lak in, Puithiam ih thlarau lam lamhmuh nak pawl khal a la tu tampi an um. Nu Pawlpi khal an sunglam ih an tuar mi pahsuak thei dingah a bom ringring tiin a sim. Himi thuthang cu CNA thuthang ihsin kan don mi a si.

https://bit.ly/3hWZ3aL